Sbs Khmer - Sbs

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** លោកស្រី Penny Wong ថា បញ្ហារបស់លោក Julian Assage មិនមែនអាស្រ័យលើរដ្ឋាភិបាលទេ។ ** ប្រាក់បំណុលសិស្សនិស្សិត កើនឡើងលឿនជាងលទ្ធភាពដែលអាចសងត្រឡប់មកវិញបាន។ ** របាយការណ៍ថ្មីមួយរកឃើញថា វេជ្ជបណ្ឌិតវ័យក្មេងក្នុងរដ្ឋវិចថូរៀ ព្រួយបារម្ភអំពី កំហុសឆ្គងដោយសារតែការនឿយហត់ និងអស់កម្លាំងជ្រុល។

នៅព្រឹកថ្ងៃទី១២មេសានេះ រាជរដ្ឋាភិបាល តាមរយៈសាលារាជធានីភ្នំពេញ បានរៀបចំឡានក្រុងជាង ៤០០គ្រឿង ដើម្បីដឹកជញ្ជូនប្រជាពលរដ្ឋ ពីភ្នំពេញ ទៅបណ្តាខេត្តនានា នៅទូទាំងប្រទេស ដោយមិនគិតថ្លៃ។ ដំណើរការឡានក្រុងសាធារណៈនេះ នឹងបន្តរហូតដល់ថ្ងៃទី១៧ ខែមេសា ឆ្នាំ២០២៤ ពោលគឺ ១ថ្ងៃមុនចូលឆ្នាំ និង១ថ្ងៃ ក្រោយថ្ងៃចូលឆ្នាំ ដែលឡានក្រុងទាំងនោះ ត្រូវដឹកជញ្ជូនប្រជាពលរដ្ឋ មកពីតាមបណ្តាខេត្តវិញ។

បន្ទាប់ពីលោក ហ៊ុន សែន ជាឪពុក ពេលនេះ លោកនាយករដ្ឋមន្ត្រី ហ៊ុន ម៉ាណែត បានបញ្ចេញប្រតិកម្មវិញម្តង ពាក់ព័ន្ធនឹងគម្រោងព្រែកជីកតេជោ ហ្វូណន។ លោកនាយករដ្ឋមន្ត្រី ហ៊ុន ម៉ាណែត បានលើកឡើងថា គម្រោងព្រែកជីកហ្វូណនតេជោរបស់កម្ពុជា គឺបង្កើតឡើង ដើម្បីទាញយកអត្ថប្រយោជន៍ផ្នែកសេដ្ឋកិច្ច កាត់បន្ថយចំណាយដឹកជញ្ជូន ហើយជួយសម្រួលដល់ជីវភាពប្រជាពលរដ្ឋប៉ុណ្ណោះ ហើយក៏មិនមានការប៉ះពាល់ដល់បរិស្ថានទន្លេមេគង្គនោះទេ។

ព័ត៌មានសំខាន់ៗសម្រាប់ថ្ងៃនេះរួមមាន៖ ** លោកនាយករដ្ឋមន្ត្រី Anthony Albanese និយាយថា អនាគតសេដ្ឋកិច្ចនឹង "ផលិតនៅប្រទេសអូស្ត្រាលី"។ ** ថ្លៃជួលផ្ទះសម្បែងនៅក្នុងទីក្រុងនានាក្នុងប្រទេសអូស្រ្តាលី ឡើងដល់កម្រិតខ្ពស់បំផុត។ ** ប្រធានាធិបតីអាម៉េរិកផ្តល់ក្តីសង្ឃឹមចំពោះការពិចារណាទម្លាក់បទចោទប្រកាន់លើ ស្ថាបនិក Wikileaks។

ខណៈដែលរដូវកាលជំងឺគ្រុនផ្តាសាយនៅឆ្នាំនេះ ចាប់ផ្តើមហើយ ថ្នាំវ៉ាក់សាំងបង្ការជំងឺគ្រុនផ្តាសាយដែលផ្អែកលើកោសិកាជាមូលដ្ឋានថ្មីមួយ ត្រូវបានដាក់ឱ្យដំណើរការនៅក្នុងប្រព័ន្ធសុខភាពសាធារណៈរបស់ប្រទេសអូស្ត្រាលី បន្ទាប់ពីបានដាក់លក់នៅលើទីផ្សារឯកជន តាំងពីឆ្នាំ 2021មក។ អ្នកជំនាញនិយាយថា រូបមន្តថ្មីនេះត្រូវបានរចនាឡើងដើម្បីផ្គូផ្គងឱ្យកាន់តែដូចគ្នាទៅនឹងជំងឺគ្រុនផ្តាសាយ ដែលកំពុងចរាចរពាសពេញពិភពលោក។

បុណ្យចូលឆ្នាំខ្មែរ ជាបុណ្យប្រពៃណីជាតិ ដែលប្រជាជនកម្ពុជា តែងតែប្រារព្ធធ្វើជារៀងរាល់ឆ្នាំ មិនថារស់នៅក្នុងប្រទេសណានោះទេ។ ដូចគ្នានេះដែរ ប្រជាពលរដ្ឋខ្មែរអូស្រ្តាលីកំពុងត្រៀមខ្លួនយ៉ាងសកម្ម ដើម្បីរៀបចំពិធីបុណ្យចូលឆ្នាំថ្មីប្រពៃណីខ្មែរនៅចុងសប្តាហ៍នេះ។ សូមស្តាប់បទសម្ភាសន៍ជាមួយតំណាងសហគមន៍ខ្មែរនានានៅក្នុងប្រទេសអូស្រ្តាលី។

ស្តាប់មាតិកាព័ត៌មានចុងក្រោយបង្អស់ក្នុងប្រទេសអូស្រ្តាលីពី SBSខ្មែរ។ ** គណបក្សប្រឆាំងសហព័ន្ធបានចោទសួរចំពោះការអំពាវនាវរបស់លោកស្រី Penny Wong សម្រាប់ការទទួលស្គាល់រដ្ឋប៉ាឡេស្ទីន។ ** អាជីវកម្មដែលស្វែងរកការច្របាច់បញ្ចូលគ្នា នឹងត្រូវជូនដំណឹងដល់និយតករការប្រកួតប្រជែងថ្នាក់ជាតិជាមុនសិន ។ ** នាយកសាលារៀនរដ្ឋ នៅញូសៅវែល នឹងត្រូវបង្ខំឱ្យចូលបង្រៀនវិញ ដើម្បីបំពេញចន្លោះកង្វះគ្រូបង្រៀន។

លោក ហ៊ុន សែន ប្រធានគណបក្សប្រជាជនកម្ពុជា ដែលកំពុងដឹកនាំប្រទេសកម្ពុជា ក្នុងនាមជាប្រមុខរដ្ឋស្តីទី កាលពីរសៀលថ្ងៃទី៩ ខែមេសា បានបញ្ចេញប្រតិកម្មនឹងការផ្សព្វផ្សាយ ដែលលោកចាត់ទុកថា ជាការមួលបង្កាច់ និងប្រឌិតរឿង អំពីគម្រោងព្រែកជីក តេជោ ហ្វូណន។

ព័ត៌មានសំខាន់ៗសម្រាប់ថ្ងៃនេះរួមមាន៖ ** មេបក្សប្រឆាំងលោក Peter Dutton រិះគន់រដ្ឋាភិបាលចំពោះការមកដល់នៃទូកសុំសិទ្ធិជ្រកកោន។ ** អង្គការសុខុមាលភាពសង្គម អំពាវនាវឱ្យរដ្ឋាភិបាលសហព័ន្ធ បង្កើនប្រាក់ជំនួយសន្តិសុខសង្គម។ ** នាយករដ្ឋមន្រ្តីអ៊ីស្រាអ៊ែលនិយាយថា កាលបរិច្ឆេទត្រូវបានកំណត់សម្រាប់ការវាយលុកលើដីនៅ Rafah ។

Australia is the driest of all inhabited continents with considerable variation in rainfall, temperature and weather patterns across its different climate zones. Here's why this vast land boasts one of the planet's most unique climates. - អូស្ត្រាលីគឺជាតំបន់ស្ងួតបំផុតនៃទ្វីបដែលមានមនុស្សរស់នៅ ដោយមានការប្រែប្រួលយ៉ាងខ្លាំងនៃទឹកភ្លៀង សីតុណ្ហភាព និងគំរូអាកាសធាតុនៅទូទាំងតំបន់អាកាសធាតុផ្សេងៗគ្នា និងពីមួយឆ្នាំទៅមួយឆ្នាំ។ រាប់ចាប់ពីភាគខាងជើងដែលមានអាកាសធាតុត្រូពិចរហូតភាគខាងត្បូងដែលមានអាកាសធាតុក្តៅ ប្រទេសអូស្ត្រាលីក៏ជួបប្រទះនឹងអាកាសធាតុធ្ងន់ធ្ងរជាច្រើនផងដែរ ដែលមានព្យុះស៊ីក្លូនត្រូពិច ទឹកជំនន់ រលកកំដៅ និងគ្រោះរាំងស្ងួត។ អាកាសធាតុរបស់ប្រទេសអូស្ត្រាលីបង្កើតប្រព័ន្ធអេកូចម្រុះរបស់ខ្លួន ដែលភាគច្រើនមានភាពផុយស្រួយដោយសារកង្វះទឹក។

ព័ត៌មានសំខាន់ៗសម្រាប់ថ្ងៃនេះរួមមាន៖ ** ក្រុមហ៊ុនផ្សារទំនើបធំៗ អាចប្រឈមនឹងការផាកពិន័យចំនួន 10លានដុល្លារ ក្រោមការផ្លាស់ប្តូរច្បាប់ស្តីពីអាហារ និងគ្រឿងទេស... ** គេរំពឹងថានឹងមានការប្រកាសសមាជិកថ្មីចូលក្នុងកិច្ចព្រមព្រៀង AUKUS… ** អតីតប្រធានកងកម្លាំងការពារជាតិអូស្ត្រាលី ត្រូវបានតែងតាំងជាទីប្រឹក្សាពិសេស ស៊ើបអង្កេតពីការស្លាប់របស់បុគ្គលិកជំនួយនៅហ្គាហ្សា។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ជនជាតិអូស្ត្រាលី២នាក់បាត់ខ្លួន ក្រោយគ្រោះរញ្ជួយដីនៅតៃវ៉ាន់... ** កងកម្លាំងការពារអ៊ីស្រាអែលនិយាយថា ការស៊ើបអង្កេតឯករាជ្យលើការស្លាប់ របស់បុគ្គលិកជំនួយ បាន បញ្ចប់ហើយ... ** ជើងហោះហើរជាង100 ដែលធ្វើដំណើរចូល និងចេញពីអាកាសយានដ្ឋានអន្តរជាតិស៊ីដនី ត្រូវបានលុបចោល។

លោក ហ៊ុន សែន ចាប់ផ្តើមបំពេញតួនាទី ជាប្រមុខរដ្ឋស្តីទី ដែលជាតំណែងផ្លូវការ កំពូលផុតលេខនៅកម្ពុជា ក្នុងឱកាសដែល ព្រះករុណា ព្រះមហាក្សត្រ សម្តេចព្រះបរមនាថ នរោត្តម សីហមុនី យាងទៅបំពេញព្រះរាជទស្សនកិច្ចផ្លូវរដ្ឋ នៅប្រទេសជប៉ុន នាថ្ងៃទី៥ ខែមេសានេះ។

រដ្ឋាភិបាលសហព័ន្ធបានចេញផ្សាយសេចក្តីព្រាងយុទ្ធសាស្រ្តជំងឺអូទីស្សឹមរបស់ខ្លួន ដែលមានបំណងធ្វើឱ្យប្រសើរឡើងនូវលទ្ធផលសម្រាប់មនុស្សដែលមានជំងឺអូទីស្សឹមនៅក្នុងប្រទេសអូស្ត្រាលី។ វាជាលើកដំបូងនៅក្នុងប្រទេសអូស្ត្រាលី ដោយសង្ឃឹមថាយុទ្ធសាស្រ្តថ្នាក់ជាតិមួយ នឹងជួយកាត់បន្ថយភាពមិនស៊ីសង្វាក់គ្នា ក្នុងការមើលថែទាំ និងលទ្ធផល។

**មន្រ្តីការទូតកំពូលអាម៉េរិកស្នើឡើងថាគម្រោងនាវាមុជទឹក AUKUS ជួយធ្វើឱ្យចិនញញើតក្នុងការចាត់វិធានការលើតៃវ៉ាន់។ ** កិច្ចខិតខំប្រឹងប្រែងជួយសង្គ្រោះកំពុងបន្តនៅតៃវ៉ាន់ បន្ទាប់ពីគ្រោះរញ្ជួយ បណ្តាលឲ្យមនុស្សយ៉ាងហោចណាស់ ៩នាក់ស្លាប់ និងជាងមួយពាន់នាក់ទៀតរងរបួស។ ** អង្គការសហប្រជាជាតិផ្អាកបេសកកម្មផ្តល់ជំនួយ នៅហ្គាហ្សានៅពេលយប់។

ក្នុងពិធីបិទសន្និបាតក្រសួងអប់រំ យុវជន និងកីឡា កាលពីរសៀលថ្ងៃទី២ ខែមេសា លោកនាយករដ្ឋមន្ត្រី ហ៊ុន ម៉ាណែត បានប្រកាសហាមដាច់ខាត មិនឲ្យមានការដាក់កាតព្វកិច្ចដល់ អាណាព្យាបាល ត្រូវបង់លុយដល់គ្រូបង្រៀន ចំពោះកម្មវិធីសិក្សាថែមម៉ោង នៅតាមសាលារៀនរដ្ឋនោះទេ។ ការរៀនថែមម៉ោងនេះ គឺជាការសាកល្បងការអប់រំគំរូថ្មីមួយទៀត ដោយត្រូវថែមម៉ោងសិក្សាចំនួន ២ម៉ោង ក្នុងមួយថ្ងៃ នៅតាមសាលារៀនមួយចំនួន។

ប្រជាពលរដ្ឋអូស្រ្តាលីហាក់បីដូចជាមានក្តីព្រួយបារម្ភក្នុងការប្រកបអាជីវកម្មនានា នៅពេលមានការប្រែប្រួលមួយចំនួនចំពោះសេដ្ឋកិច្ច ជាពិសេសផលប៉ះពាល់បន្ទាប់កូវីដ និងការកើនឡើងនៃថ្លៃចំណាយការរស់នៅ។ តើអាជីវករពិតជាទទួលរងផលប៉ះពាល់ខ្លាំងឬទេចំពោះបញ្ហានេះ? សូមស្តាប់បទសម្ភាសជាមួយអាជីវករកម្ពុជាអូស្រ្តាលីពីររូប ដែលកំពុងប្រកបអាជីវកម្មនៅទីក្រុងមែលប៊ន។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** លោកស្រី Samantha Mostyn AO ប្រកាសជាប្រមុខរដ្ឋស្តីទីអូស្ត្រាលីបន្ទាប់។ ** លោកនាយករដ្ឋមន្ត្រី Anthony Albanese អំពាវនាវឱ្យមានការទទួលខុសត្រូវពីអ៊ីស្រាអែល បន្ទាប់ពីការស្លាប់របស់បុគ្គលិកជំនួយអូស្ត្រាលី។ ** លោក Peter Dutton អំពាវនាវឱ្យមានការផ្លាស់ប្តូរទៅប្រើថាមពលនុយក្លេអ៊ែរ ក្នុងការប៉ុនប៉ងបញ្ចុះថ្លៃអគ្គិសនីសម្រាប់ម្ចាស់អាជីវកម្មខ្នាតតូច។

កាលពីថ្ងៃទី២ ខែមេសា លោក ហ៊ុន សែន ប្រធានគណបក្សប្រជាជនកម្ពុជា និងជាអ្នកតំណាងរាស្រ្តមណ្ឌលខេត្តកណ្តាល បានដាក់លិខិតលាឈប់ពីសមាជិករដ្ឋសភា ដើម្បីទៅកាន់តំណែងថ្មី នៅព្រឹទ្ធសភា នីតិកាលទី៥។ នោះគឺលោក ហ៊ុន សែន ត្រូវកាន់តំណែងជាប្រធានព្រឹទ្ធសភា ដែលនឹងក្លាយជាប្រមុខរដ្ឋស្តីទី នៅពេលព្រះមហាក្សត្រ យាងចាកចេញពីប្រទេស។

Learn how to professionally and politely decline additional workload. - សិក្សាពីរបៀបបដិសេធបន្ទុកការងារបន្ថែមប្រកបដោយវិជ្ជាជីវៈ និងការគួរសម។