Sbs Khmer - Sbs

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ការកម្រិតថវិកាចំណាយសម្រាប់គណបក្សនយោបាយទូទាំងប្រទេស ត្រូវបានស្នើឡើងជាលើកដំបូង។ ** មជ្ឈមណ្ឌលធនធានជនស្វែងសុំសិទ្ធិជ្រកកោននិយាយថា លក្ខខណ្ឌរបស់រដ្ឋាភិបាលសហព័ន្ធសម្រាប់ជនភៀសខ្លួននៅ PNG មិនអាចទៅរួចទេ។ **អូស្ត្រាលីគាំទ្រសេចក្តីសម្រេចរបស់អង្គការសហប្រជាជាតិ ដើម្បីទទួលស្គាល់អធិបតេយ្យភាពអចិន្ត្រៃយ៍របស់ប្រជាជនប៉ាឡេស្ទីន។

ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក រយៈពេល ៣ថ្ងៃ ៣យប់ បានចាប់ផ្តើមហើយ នៅមុខព្រះបរមរាជវាំង កាលពីថ្ងៃទី១៤ ខែវិច្ឆិកា ឆ្នាំ២០២៤។ ទូកង ដែលចូលរួមប្រណាំង នៅឆ្នាំនេះ មានចំនួន ៣៤៦ទូក។ ក្នុងនោះ មានទូកអុំ ៣០៣ទូក និងទូកចែវ ៤៣ទូក។ ចំណែកប្រទីប នៅឆ្នាំនេះ មានចំនួន ៣៦ប្រទីប។

** នាយករដ្ឋមន្ត្រីអូស្រ្តាលីថា ការជំរុញពាណិជ្ជកម្មគឺជាអាទិភាពរបស់លោក នៅក្នុងកិច្ចប្រជុំកំពូល APEC នៅប្រទេសប៉េរូ។ ** របាយការណ៍ថ្មីមួយបានរកឃើញថា ជាងពាក់កណ្តាលនៃស្ត្រីចំណាកស្រុកបានជួបប្រទះការបៀតបៀនផ្លូវភេទនៅកន្លែងធ្វើការ។ ** សេតវិមានពិពណ៌នាជំនួបរវាងលោក Donald Trump និងលោក Joe Biden ស្តីពីការផ្លាស់ប្តូរប្រធានាធិបតី ថាមានភាពស្និទ្ធស្នាលបំផុត។

ការស្រាវជ្រាវថ្មីបានបង្ហាញពីការកើនឡើងនៃថ្លៃឈ្នួលដែលអ្នកជួលផ្ទះគេរស់នៅបានជួបប្រទះក្នុងរយៈពេល 12 ខែចុងក្រោយនេះ ជាមួយនឹងការដំឡើងថ្លៃឈ្នួល ពាក់កណ្តាលកើតឡើងចំពោះអ្នកជួលស្រាប់ គឺឡើងថ្លៃជាង10 ភាគរយ ហើយម្នាក់ក្នុងចំណោមប្រាំមួយនាក់ ឡើងថ្លៃជាង 25 ភាគរយ។ ទោះបីជាថ្លៃជួលឡើងថ្លៃយ៉ាងនេះក្តី អូស្ត្រាលីហាក់ដូចជាកំពុងផ្លាស់ប្តូរពីប្រជាជនដែលមានផ្ទះជាកម្មសិទ្ធិផ្ទាល់ខ្លួន ទៅជាអ្នកជួលផ្ទះគេរស់នៅជារៀងរហូត។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** អូស្ត្រាលីមានបំណងសម្រុះសម្រួលភាពតានតឹងពាណិជ្ជកម្មរវាងអាមេរិក និងចិន ក្រោមរដ្ឋបាលលោកត្រាំ។ ** ជើងហោះហើរអូស្ត្រាលី-ឥណ្ឌូណេស៊ីត្រូវអាក់ខាន ដោយសារផេះភ្នំភ្លើង។ ** គិលានុបដ្ឋាយិកា និងឆ្មបជាងប្រាំម៉ឺននាក់ នៅរដ្ឋញូសៅវែលធ្វើកូដកម្មរយៈពេល 24 ម៉ោងនៅថ្ងៃនេះ។

កាលពីថ្ងៃទី១២ ខែវិច្ឆិកា អង្គភាពប្រឆាំងអំពើពុករលួយ (ACU) បានចាប់បញ្ជូន លោក ឡាយ វិសិដ្ឋ អភិបាលរង ខេត្តពោធិ៍សាត់ ទៅតុលាការ ក្នុងសំណុំរឿងឆបោក ពាក់ព័ន្ធនឹងលោក លី សាម៉េត ទីប្រឹក្សាម្នាក់ របស់លោកហ៊ុនសែន។ អភិបាលរងខេត្តពោធិ៍សាត់ លោក ឡាយ វិសិដ្ឋ បានសូកលុយ ៥៧ម៉ឺនដុល្លារ ដល់លោក លី សាម៉េត ដើម្បីរត់ការ ឡើងធ្វើជាអភិបាលខេត្ត។

ជំងឺហឺតធ្ងន់ធ្ងរអាចកើតឡើងចំពោះគ្រប់គ្នា នៅពេលដែលរន្ទះ កំដៅ ភ្លៀង ប្រតិកម្មជាមួយលំអងផ្កា ដែលគេហៅថា Thunderstorm Asthma។ វាអាចបណ្តាលឲ្យមានផលប៉ះពាល់ផ្លូវដង្ហើមយ៉ាងខ្លាំង ប្រសិនបើមិនបានការពារខ្លួនត្រឹមត្រូវ។ សូមស្តាប់បទសម្ភាសន៍ជាមួយលោកឱថសការី លឹម សួរ ប្រធានឱសថស្ថានលឹមហ្វាមម៉ាស៊ី។

Country is the term at the heart of Australian Indigenous heritage and continuing practices. The environments we are part of, carry history spanning tens of thousands of years of First Nations presence, culture, language, and connection to all living beings. So, how should architects, government bodies and creative practitioners interact with Indigenous knowledge when designing our urban surroundings? - ប្រទេស “Country” គឺជាពាក្យដែលស្ថិតនៅចំកណ្តាល នៃបេតិកភណ្ឌ ជនជាតិ ដើមភាគតិចអូស្ត្រាលី និងការអនុវត្តកំពុងបន្ត។ បរិស្ថានដែលយើងជាផ្នែកមួយនេះ ផ្ទុកនូវប្រវត្តិសាស្ត្រដែលលាតសន្ធឹងរាប់ម៉ឺនឆ្នាំ នៃវត្តមានរបស់ប្រជាជាតិដើមដំបូង វប្បធម៌ ភាសា និងការតភ្ជាប់ទៅនឹងសត្វមានជីវិតទាំងអស់។ ដូច្នេះ តើស្ថាបត្យករ ស្ថាប័នរដ្ឋាភិបាល និងអ្នកច្នៃប្រឌិតគួរធ្វើអន្តរកម្មជាមួយចំណេះដឹងជនជាតិដើមភាគតិចយ៉ាងដូចម្តេច នៅពេលរចនាតំបន់ជុំវិញទីក្រុងរបស់យើង?

** អង្គការឧតុនិយមពិភពលោក៖ ឆ្នាំ 2024 កំណត់ថាជាឆ្នាំក្តៅបំផុតក្នុងប្រវត្តិសាស្ត្រ។ ** តម្លៃ Bitcoin ឡើងដល់កម្រិតខ្ពស់បំផុត បន្ទាប់ពីការឈ្នះឆ្នោតរបស់លោក Donald Trump ។ ** លោក Chris Evans ត្រូវបានតែងតាំងជាស្នងការប្រឆាំងទាសភាពដំបូងគេរបស់ប្រទេសអូស្ត្រាលី។

Learn how to talk about things that annoy you. - រៀនពីរបៀបនិយាយ អំពីអ្វីដែលរំខានចិត្តអ្នក ធ្វើឱ្យអ្នកមួម៉ៅក្តៅក្រហាយ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ **ប្រព័ន្ធត្រួតពិនិត្យលិខិតឆ្លងដែនទូទាំងប្រទេសមិនដំណើរការ បណ្តាលឱ្យមានការពន្យារពេលនៅព្រលានយន្តហោះ។ ** Meta ត្រៀមខ្លួនធ្វើការជាមួយរដ្ឋាភិបាលអូស្រ្តាលីលើផែនការហាមឃាត់កុមារពីការប្រើប្រាស់ប្រព័ន្ធផ្សព្វផ្សាយសង្គម។ ** ប្រធានធនាគារកណ្តាលអាមេរិក សន្យាមិនចុះចេញពីតំណែង បើទោះជាលោក ដូណាល់ ត្រាំ ស្នើឱ្យលោកលាលែងក៏ដោយ។

ភ្លាមៗ ក្រោយជ័យជម្នះរបស់លោក ដូណាល់ ត្រាំ ជាប់ឆ្នោតជាប្រធានាធិបតីអាមេរិកជាថ្មីម្តងទៀត មេដឹកនាំកំពូលកម្ពុជា បានផ្ញើសារអបអរសាទរលោក ដូណាល់ ត្រាំ ខណៈដែលអ្នកវិភាគនយោបាយ រំពឹងថា ទំនាក់ទំនងកម្ពុជា និងអាមេរិក នឹងកាន់តែមានភាពល្អប្រសើរ។

** ប្រធានាធិបតីរងសហរដ្ឋអាមេរិក លោកស្រី Kamala Harris សន្យាផ្ទេរអំណាចដោយសន្តិវិធីទៅឱ្យលោក Donald Trump ។ ** រដ្ឋមន្រ្តីការបរទេសអូស្រ្តាលី អបអរសាទរលោក ដូណាល់ ត្រាំ ខណៈដែលលោកខេវិន រ៉ាដ្ត លុបចោលទ្វីតចាស់ៗដែលរិះគន់លោកត្រាំ។ ** ទីផ្សារភាគហ៊ុនអាម៉េរិក Wall Street កើនឡើងខ្ពស់បំផុតក្នុងកំណត់ត្រា។

Australia is facing a skills shortage. So why are migrants struggling to find work in line with their education and experience? - ប្រទេសអូស្ត្រាលីកំពុងប្រឈមមុខនឹងការខ្វះខាតជំនាញ។ ដូច្នេះ ហេតុអ្វីបានជាជនអន្តោប្រវេសន៍ពិបាកក្នុងការស្វែងរកការងារធ្វើទៅតាមមុខជំនាញដែលពួកគេបានសិក្សា និងធ្លាប់មានបទពិសោធន៍រួចស្រាប់ទៅហើយនោះ?

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ការបោះឆ្នោតនៅអាម៉េរិកបានបញ្ចប់ ខណៈដែលការរាប់សន្លឹកឆ្នោតកំពុងតែបន្ត។ ** គេរំពឹងថា លទ្ធផលការបោះឆ្នោតនៅអាម៉េរិក នឹងមានឥទ្ធិពលសម្រាប់នយោបាយក្នុងស្រុក និងបរទេសរបស់អូស្ត្រាលី ។ ** នាយករដ្ឋមន្ត្រីអ៊ីស្រាអែលបណ្តេញរដ្ឋមន្ត្រីការពារជាតិលោក Yoav Gallant ចេញពីតំណែង។

កាលពីចុងសប្តាហ៍មុន រាជរដ្ឋាភិបាលកម្ពុជា ចាប់ផ្តើមសាងសង់ផ្លូវក្រវាត់ព្រំដែនប្រវែងប្រមាណ ២៥០គីឡូម៉ែត្រ ដោយប្រើប្រាស់ថវិការបស់មូលនិធិកសាងហេដ្ឋារចនាសម្ព័ន្ធតាមព្រំដែន។ ការចាប់ផ្តើមដំណើរការការដ្ឋានសាងសង់ផ្លូវក្រវ៉ាត់ព្រំដែននេះ ធ្វើឡើងស្របពេលដែលមូលនិធិកសាងហេដ្ឋារចនាសម្ព័ន្ធតាមព្រំដែន ដោយផ្តោតលើការកសាងផ្លូវក្រវាត់ព្រំដែន បានបិទបញ្ចប់ កាលពីថ្ងៃទី៣១តុលា ដោយប្រមូលបានថវិកាជិត ២៧លានដុល្លាអាមេរិក។

អង្គកឋិនទានមហាសាមគ្គីគ្រួសារខ្មែរ ដែលដឹកនាំផ្ទាល់ដោយភរិយារបស់លោក ហ៊ុន សែន និងកូនប្រុស ២នាក់ គឺលោក ហ៊ុន ម៉ានិត និងលោក ហ៊ុន ម៉ានី ហែពីទីស្នាក់ការគណបក្សប្រជាជនកម្ពុជា នៅភ្នំពេញ កាលពីថ្ងៃទី៤ ខែវិច្ឆិកា ទៅកាន់វត្តខ្មែរ នៅទឹកដីខ្មែរកម្ពុជាក្រោម នៅខេត្តព្រះត្រពាំង បានបិទបញ្ចប់ហើយ តាមប្រពៃណីព្រះពុទ្ធសាសនា កាលពីព្រឹកថ្ងៃទី៥ ខែវិច្ឆិកា។

** ធនាគារកណ្តាលអូស្រ្តាលី រក្សាអត្រាការប្រាក់ឱ្យនៅស្ថិតនៅ 4.35% ភាគរយ។ ** ASIO និយាយថាឧប្បត្តិហេតុទាក់ទងនឹងភេរវកម្មប្រាំបួនដង ក្នុងឆ្នាំនេះ មិនទាក់ទងនឹងមជ្ឈិមបូព៌ាទេ។ ** ឧបនាយករដ្ឋមន្ត្រី Richard Marles និយាយថា សម្ព័ន្ធភាពអាមេរិក-អូស្ត្រាលីនឹងនៅតែរឹងមាំ មិនថានរណាជាប្រធានាធិបតីអាម៉េរិកបន្ទាប់ឡើយ។

Melbourne Cup គឺជាការប្រកួតប្រណាំងសេះដ៏ធំបំផុតមួយរបស់ប្រទេសអូស្ត្រាលី អស់រយៈពេលជាង 160 ឆ្នាំមកហើយ។ ក្រៅពីជាថ្ងៃឈប់សម្រាកសាធារណៈសម្រាប់ប្រជាជនរស់នៅក្នុងរដ្ឋវិចថូរៀ ដែលតែងតែប្រារព្ធឡើងនៅថ្ងៃអង្គារ សប្តាហ៍ទីមួយនៃខែវិច្ឆិកានោះ Mebourne Cup បានទាក់ទាញហ្វូងមនុស្សយ៉ាងច្រើន កុះករដែលអបអរដល់សេះ និងអ្នកជិះសេះដ៏ល្អបំផុតរបស់ពិភពលោក។ ប៉ុន្តែ វាក៏នាំមកនូវការរិះគន់ខ្លាំងឡើងៗ ជុំវិញក្រមសីលធម៌ នៃឧស្សាហកម្មប្រណាំងនេះ ពីសុខុមាលភាពរបស់សត្វ និងការភ្នាល់ល្បែងស៊ីសងផងដែរ។

Did you know that one in five children is at risk of dying from a disease that is now preventable through vaccination? Australia’s vaccination program helps to prevent severe outcomes from many childhood infections. To access family support payments—and in some states, childcare services—your child must be fully immunised according to the national schedule. - តម្រូវការឱ្យចាក់វ៉ាក់សាំងសម្រាប់កុមារគឺខុសៗគ្នាពីប្រទេសមួយទៅប្រទេសមួយទៀត។ នៅប្រទេសអូស្ត្រាលី គោលនយោបាយ “មិនចាក់វ៉ាក់សាំង មិនទទួលបានប្រាក់ជំនួយ” 'No Jab, No Pay' របស់រដ្ឋាភិបាលសហព័ន្ធ និងនៅកម្រិតថ្នាក់រដ្ឋ 'No Jab, No Play' “មិនចាក់វ៉ាក់សាំង មិនឱ្យលេងជាមួយ” គឺតម្រូវឱ្យកុមារត្រូវចាក់ថ្នាំបង្ការយ៉ាងពេញលេញតាមកម្មវិធីផ្តល់ថ្នាំបង្ការថ្នាក់ជាតិ ដើម្បីឱ្យកុមារនោះមានសិទ្ធិទទួលបានប្រាក់ជំនួយឧបត្ថម្ភក្រុមគ្រួសារ ឬក៏អាចទទួលបានសេវាមើលថែទាំនៅកុមារដ្ឋាន។