Sbs Khmer - Sbs

កិច្ចប្រជុំគណៈកម្មាធិការអចិន្រ្តៃយ៍រដ្ឋសភា កាលពីព្រឹកថ្ងៃទី១៧ ខែកញ្ញា បានសម្រេច កោះប្រជុំរដ្ឋសភា ជាវិសាមញ្ញ នៅព្រឹកថ្ងៃសុក្រ ទី២០ ខែកញ្ញា ឆ្នាំ២០២៤ នេះ។

ឆ្លើយតបនឹងការសាកសួរព័ត៌មានរបស់អ្នកយកព័ត៌មាន ពាក់ព័ន្ធនឹងការបិទការិយាល័យស្ថានទូតស៊ុយអែត នៅភ្នំពេញ អ្នកនាំពាក្យក្រសួងការបរទេសកម្ពុជា កាលពីព្រឹកថ្ងៃទី១៧ ខែកញ្ញា បានចេញសេចក្តីបំភ្លឺ ជម្រាបជូនបន្ថែមលើសេចក្តីបំភ្លឺ ចុះថ្ងៃទី១៦ ខែកញ្ញា ឆ្នាំ២០២៤។

មនុស្សជិតប្រាំពីរពាន់នាក់បានក្លាយជាពលរដ្ឋថ្មីបំផុតរបស់ប្រទេសអូស្ត្រាលីនៅថ្ងៃអង្គារ ទី១៧កញ្ញានេះ នៅក្នុងពិធីស្បថចូលជាងមួយរយកន្លែង នៅទូទាំងប្រទេស។ ទិវាសញ្ជាតិអូស្ត្រាលី "Australian Citizenship Day" ឆ្នាំនេះ ប្រារព្ធខួប 75 ឆ្នាំ នៃប្រជាជនអូស្ត្រាលី ដែលលែងត្រូវបានគេចាត់ទុកថានៅក្រោមអាណានិគមរបស់ចក្រភពអង់គ្លេសទៀតហើយ។

** បុរសម្នាក់ដែលគេសង្ស័យថាប៉ុនប៉ងធ្វើឃាតលោក ដូណាល់ ត្រាំ ត្រូវបានចោទប្រកាន់ពីបទឧក្រិដ្ឋកម្មកាំភ្លើង។ ** ឧបករណ៍AIថ្មី កំណត់ឱ្យប្រើប្រាស់នៅសាលារៀនទូទាំងរដ្ឋញូសៅវែល ក្នុងឆ្នាំនេះ។ ** បុរសបីនាក់នៅរដ្ឋគ្វីនស្លេន ត្រូវបានចោទប្រកាន់ពីបទឧក្រិដ្ឋកម្មគ្រឿងញៀន ជុំវិញផែនការនាំចូលថ្នាំញៀនមេតំហ្វេតាមីនរាវ ១,២ តោនពីប្រទេសកាណាដា។

Astronomical knowledge of celestial objects influences and informs the life and law of First Nations people. - នៅក្រោមផ្ទៃមេឃដែលគ្របដណ្តប់ដោយផ្កាយភ្លឺចិញ្ចែងចិញ្ចាច និងឆ្លងកាត់វដ្តព្រះចន្ទដ៏ច្រើនរាប់មិនអស់នោះ វប្បធម៌ និងវត្តមានរបស់ប្រជាជាតិដើមដំបូងរបស់ប្រទេសអូស្ត្រាលី បានលាតសន្ធឹងអស់រយៈពេលរាប់ពាន់ឆ្នាំមកហើយ។ ចំណេះដឹងផ្នែកតារាសាស្ត្រនៃវត្ថុធាតុនៅលើអាកាស និងជូនដំណឹងអំពីជីវិត និងច្បាប់របស់ប្រជាជនដើមដំបូង First Nations។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ក្រុមហ៊ុនបច្ចេកវិទ្យាយក្ស ធនាគារ និងក្រុមហ៊ុនទូរគមនាគមន៍ ត្រូវប្រឈមមុខនឹងការផាកពិន័យដ៏សម្បើម សម្រាប់ការខកខានមិនបានការពារជនរងគ្រោះពីការបោកប្រាស់។ ** លោក Elon Musk ចោទរដ្ឋាភិបាលអូស្ត្រាលីថាជាពួកហ្វាស៊ីស។ **អង្គការសហប្រជាជាតិថ្កោលទោសការវាយប្រហាររបស់អ៊ីស្រាអែលមកលើសាលារៀនមួយដែល សម្លាប់បុគ្គលិកUNRWA ៦នាក់។

ចំណតផែកុងតឺន័របន្ថែម ប្រវែង ២៥៣ម៉ែត្រ នៅកំពង់ផែស្វយ័តក្រុងព្រះសីហនុ បានសម្ពោធបើកឱ្យប្រើប្រាស់ជាផ្លូវការ កាលពីព្រឹកថ្ងៃទី១២ ខែកញ្ញា។ ចំណតផែកុងតឺន័របន្ថែមនេះ រួមទាំងការធ្វើទំនើបកម្ម នៅកំពង់ផែស្វយ័តក្រុងព្រះសីហនុរបស់កម្ពុជា ត្រូវបានជប៉ុន ជួយឧបត្ថម្ភជាយូរឆ្នាំណាស់មកហើយ។

កិច្ចប្រជុំចរចាប្រាក់ឈ្នូលអប្បបរមារបស់កម្មករកាត់ដេរ នៅកម្ពុជា សម្រាប់ឆ្នាំ២០២៥ បានធ្វើឡើងជាលើកទី៤ កាលពីថ្ងៃទី១២ ខែកញ្ញា ឆ្នាំ២០២៤។ ក្នុងកិច្ចប្រជុំចរចាត្រីភាគី ដែលរួមមាន ភាគីរាជរដ្ឋាភិបាល ភាគីនិយោជក ជាថៅកែរោងចក្រកាត់ដេរ និងភាគីសហជីព តំណាងកម្មករកាត់ដេរ ដឹកនាំដោយរដ្ឋមន្ត្រីក្រសួងការងារ ដែលចូលដល់កិច្ចប្រជុំលើកទី៤ នៅថ្ងៃទី១២ ខែកញ្ញា គឺភាគីសហជីព តំណាងកម្មករ បានខ្វែងគំនិតគ្នា និងបានដាក់ចេញនូវការទាមទារឡើងប្រាក់ខែ ៣ផ្សេងគ្នា។ គឺមួយក្រុម ទារឡើង ៦ដុល្លារ។ សហជីពកម្មករកាត់ដេរ ១ក្រុមទៀត ទារឡើង ៧ដុល្លារ និងមួយក្រុមផ្សេងទៀត ទាមទារឡើងប្រាក់ខែកម្មករកាត់ដេរ ១០ដុល្លារ លើតួលេខបច្ចុប្បន្ន ២០៤ដុល្លារអាម៉េរិក។

** ប៉ូលិសរដ្ឋវិចថូរៀត្រៀមខ្លួនជាស្រេចសម្រាប់បាតុកម្មថ្ងៃទី៣ នៅម៉ែលប៊ន។ ** អ្នកបើករថយន្តក្រុងដែលធ្វើឱ្យមនុស្ស១០នាក់ស្លាប់ ត្រូវជាប់ពន្ធនាគារជាង៣០ឆ្នាំ។ ** ការសិក្សាមួយបង្ហាញថា ក្មេងជំទង់ដែលជក់vape ទំនងជានឹងជក់បារីច្រើនជាងក្មេងដែលមិនជក់vape ប្រាំដង។

ផែនការរបស់រដ្ឋាភិបាលអូស្រ្តាលីក្នុងការពង្រឹងលើការកំណត់អាយុអប្បបរមាខ្ពស់ជាងមុនសម្រាប់ការចូលប្រើប្រាស់ប្រព័ន្ធផ្សព្វផ្សាយសង្គម ធ្វើឱ្យមានការជជែកវែកញែកយ៉ាងក្តៅគគុក។ ខណៈពេលដែលអ្នកជំនាញមួយចំនួនជឿថា ការហាមប្រាមលើអ្នកប្រើប្រាស់វ័យក្មេង នឹងការពារកុមារពីវេទិកានានា ដែលអាចរួមចំណែកដល់ជំងឺផ្លូវចិត្ត និងបញ្ហានៃការទទួលទាន ប៉ុន្តែក៏មានអ្នកផ្សេងទៀតនិយាយថា ប្រព័ន្ធផ្សព្វផ្សាយសង្គមគឺជាឧបករណ៍ដ៏សំខាន់មួយ សម្រាប់មនុស្សវ័យក្មេងក្នុងការចូលប្រើប្រាស់ផងដែរ។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ការជជែកដេញដោលបេក្ខជនប្រធានាធិបតីរបស់សហរដ្ឋអាមេរិកជាលើកទីពីរចាប់ផ្តើម។ ** ក្រុមបាតុករប៉ះទង្គិចជាមួយប៉ូលីសនៅក្នុងអ្វីដែលអាចជាការតវ៉ាដ៏ធំបំផុតរបស់ទីក្រុងម៉ែលប៊ន ក្នុងរយៈពេលជាងមួយទសវត្សរ៍មកនេះ។ ** Meta សារភាពថាបានយកទិន្នន័យរបស់អ្នកប្រើប្រាស់អូស្ត្រាលី ដើម្បីបណ្តុះបណ្តាលកម្មវិធីបញ្ញាសិប្បនិមិត្តរបស់ខ្លួន។

លោក កែវ រ៉េមី ទេសរដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា ដែលជាអង្គភាពរបស់រាជរដ្ឋាភិបាលកម្ពុជា បានប្រាប់ឯកអគ្គរដ្ឋទូតអឺរ៉ុប ប្រចាំកម្ពុជា លោក អ៊ីហ្គ័រ ដ្រិសមេន ( Igor Driesmans ) ថា ការចាប់ខ្លួនបុគ្គលមួយចំនួន នាពេលថ្មីៗនេះ ពាក់ព័ន្ធនឹងព្រឹត្តិការណ៍ ១៨សីហា គឺជាការអនុវត្តតាមច្បាប់របស់កម្ពុជាសុទ្ធសាធ ដោយសំអាងទៅលើអង្គហេតុ និងភស្តុតាងយ៉ាងជាក់លាក់ ហើយអាជ្ញាធរកម្ពុជា អនុវត្តវិធានការច្បាប់តែលើមេខ្លោងញុះញង់ឱ្យមានសកម្មភាពខុសច្បាប់ប៉ុណ្ណោះ។

ស្វែងយល់អំពីជំងឺអូទីស៊ឹម និងជំនួយគាំទ្រនៅក្នុងប្រទេសអូស្រ្តាលី ជាមួយលោកវេជ្ជបណ្ឌិត សំ សុផា វេជ្ជបណ្ឌិតពិនិត្យជំងឺទូទៅ នៅរដ្ឋវិចថូរៀ។

** អូស្រ្តាលីស្វាគមន៍ការសម្រេចចិត្តរបស់ចក្រភពអង់គ្លេស ក្នុងការកាត់បន្ថយការនាំចេញអាវុធទៅកាន់អ៊ីស្រាអែល។ ** អូស្ត្រាលីខិតកាន់តែជិតចំពោះការហាមឃាត់មិនឱ្យកុមារអាយុក្រោម១៤ឆ្នាំ ប្រើប្រាស់ប្រព័ន្ធផ្សព្វផ្សាយសង្គម។ ** ម្ចាស់ក្សត្រីអង់គ្លេស Catherine បញ្ចប់វគ្គព្យាបាលគីមីវិទ្យាសម្រាប់ជំងឺមហារីក។

Learn how to talk to your hairdresser about getting your hair cut. - រៀនពីរបៀបនិយាយជាមួយជាងកាត់សក់របស់អ្នកអំពីម៉ូដសក់ និងការកាត់សក់។

ការរំលោភបំពានលើផ្លូវអារម្មណ៍របស់កុមារអូស្ត្រាលីកំពុងកើនឡើង ដែលបានក្លាយជាទម្រង់ទូទៅនៃការរំលោភបំពានលើកុមារ។ ទោះបីជាយ៉ាងនេះក្តី ការស្រាវជ្រាវថ្មីបង្ហាញថា មានប្រជាជនអូស្ត្រាលីត្រឹមតែពាក់កណ្តាលប៉ុណ្ណោះ ដែលនឹងរាយការណ៍ពីការសង្ស័យថា មានការរំលោភបំពានលើកុមារទៅកាន់អាជ្ញាធរ។ អ្នកជំនាញសុខភាពផ្លូវចិត្តកំពុងអំពាវនាវឱ្យមានការយល់ដឹងបន្ថែម អំពីផលប៉ះពាល់លាក់កំបាំង ដែលបណ្តាលមកពីការរំលោភបំពានផ្លូវអារម្មណ៍ និងផលប៉ះពាល់យ៉ាងជ្រាលជ្រៅរបស់វាទៅលើជីវិតវ័យក្មេង។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** លោក Anthony Albanese ប្ដេជ្ញាចាត់វិធានការជាក់ស្តែងសម្រាប់ការទប់ស្កាត់អំពើហិង្សាក្នុងគ្រួសារ។ ** យុវជនវ័យក្មេងនឹងរងគ្រោះកាន់តែខ្លាំង ប្រសិនបើអតិផរណានៅតែខ្ពស់ ហើយអត្រាអ្នកអត់ការងារធ្វើកើនឡើង។ ** គិលានុបដ្ឋាយិកានៅរដ្ឋញូសៅវែល នឹងធ្វើកូដកម្មមួយថ្ងៃពេញនៅថ្ងៃអង្គារសប្តាហ៍ក្រោយ។

សពលោក គង់ សំអុល ដែលមានគោរមងារជា «សម្តេចចៅហ្វាវាំង» និងជាឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង ត្រូវបានដង្ហែឆ្ពោះទៅបូជា នៅវត្តជម្ពូវ័ន ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ នៅព្រឹកព្រលឹមថ្ងៃទី០៦ ខែកញ្ញានេះ។ ថ្នាក់ដឹកនាំកំពូលៗ បានអញ្ជើញចូលរួមពិធីដង្ហែ និងបូជាសពលោក គង់ សំអុល ហើយក្នុងនោះ លោក ហ៊ុន សែន ដែលជាប្រមុខរដ្ឋស្តីទី បានជូនភ្លើងបូជាសពលោក គង់ សំអុល។

ព័ត៌មានសំខាន់ៗសម្រាប់ថ្ងៃនេះរួមមាន៖ ** អតីតមេដឹកនាំបក្សលេប័រ លោកBill Shorten នឹងចូលនិវត្តន៍ពីឆាកនយោបាយនៅពេលបោះឆ្នោតខាងមុខ។ ** ការធ្លាក់ចុះសេដ្ឋកិច្ចរបស់អូស្ត្រាលីប៉ះពាល់ខ្លាំងលើស្ត្រី។ ** ទស្សនៈវិស័យរបស់រដ្ឋាភិបាលលើការការពារអ្នកជួលនៅក្នុងប្រទេសអូស្រ្តាលី។

មិនមានទំនាក់ទំនងរវាងការប្រើប្រាស់ទូរសព្ទដៃ ទៅនិងមហារីកខួរក្បាល និងក្បាលនោះទេ នេះបើយោងទៅតាមការពិនិត្យឡើងវិញជាប្រព័ន្ធថ្មីមួយដែលដឹកនាំដោយប្រទេសអូស្ត្រាលី ដែលរៀបចំដោយអង្គការសុខភាពពិភពលោក។ អ្នកស្រាវជ្រាវបាននិយាយថា ការសិក្សានេះផ្តល់នូវភស្តុតាងដ៏រឹងមាំបំផុត រហូតមកដល់បច្ចុប្បន្ននេះថា រលកវិទ្យុពីបច្ចេកវិទ្យាឥតខ្សែគឺមិនមានគ្រោះថ្នាក់ដល់មនុស្សឡើយ។