Abbyr Shen Reesht - Say That Again

Ta shin clashtyn meer elley ass Pargys Caillit ayns 'Traa dy Liooar', as Juan y Geill lhaih magh obbyr yn Arrymagh Thomas y Christeen er-nyn-son. Ayns 'Jamys Jeheiney' ta jeih questionyn goll er cur orrin liorish Jamys Kinry, agh cha nel agh nuy ansooryn ry gheddyn - shegin dooin fuirraghtyn derrey y nah cheayrt dy gheddyn magh y jeihoo ansoor. Reesht, questionyn er caghlaaghyn cooish as caa dy gheddyn magh tooilley fys my-nyn-gione neesht. Er yn oyr dy row 'Goll as Gaccan' goll er scaalheaney yn laa roish sharmaneys bleinoil y Reiltys ayns Balley Keeill Eoin, ta Phil Gawne ginsh dooin raaghyn cooie da'n laa hene, as mychione shiartanse dy leih vees ry akin goaill ayrn 'sy charmaneys. Myr cheayll shin ayns 'Claare ny Gael' roish nish, va ayr Neddy Beg Hom Ruy mie er enn myr eeasteyr, agh va'n baatey echey mooirchoorit blein dy row. Tra va oyr ec Thomas Nicky, yn Gaaue Garroo, va mainshter y vaatey eeastee, H B Duke, tannaghtyn sthie, vrie eh jeh ayr Neddy Be

Ta shin foast tannaghtyn lesh y recortys liorish Juan y Geill jeh meeryn ass Pargys Caillit ayns 'Traa dy Liooar'. Ayns 'Shiaght Laa' ta shin jeeaghyn er Laa Columb Killey as Gaelg Nane as Feed, er bun yn ockle as yn eie, Utopia, ta goll er ymmydey 'sy lhing shoh, as ta shin clashtyn arrane noa scruit ec Emily, Cristl as Ned jeh'n Vunscoill Ghaelgagh son Gaelg Nane as Feed, Gaelg Aboo! Ta jeih questionyn er-nyn-son y cheayrt shoh ayns 'Jamys Jeheiney', as ta Jamys Kinry ginsh dooin beggan mychione ny cooishyn neesht. Cha row lessoon ny skeeal ain 'sy Ghaelg ayns 'Goll as Gaccan' y cheayrt shoh, myr shoh ta shin goll er oai gys 'Claare ny Gael', as cooinaghtyn elley liorish Neddy Beg Hom Ruy. We still stick with the recording by Jack Gell of extracts from the Manx paraphrase of Paradise Lost in 'Traa dy Liooar'. In 'Shiaght Laa' we're looking at Laa Columb Killey and Gaelg 21, at the meaning of the word and the idea, Utopia, whic

Ayns 'Traa dy Liooar' ta shin clashtyn Juan y Geill choud's t'eh lhaih magh meer elley jeh Pargys Caillit, recortys va jeant echey 'sy vlein 1980. Ta Maralyn Crellin loayrt mychione yn Iomairt Colm Cille ayns 'Shiaght Laa', as yn traa v'eh lhunnit 'sy vlein 1997, as eisht mychione yn aght ta Ellan Vannin cheet dy ve cochianglt rish. T'ee loayrt neesht mychione Noo Carbory as yn skylley lesh yn ennym echey, agh cha nel yn ennym echey er keeill ny skylley. Ta nuy questionyn er-nyn-son ayns 'Jamys Jeheiney', as Jamys Kinry ad y chur dooin. Va keayrtagh goaill ayrn ayns 'Goll as Gaccan', as ta shin clashtyn Rob Teare lhaih magh fogrey mychione obbyr ny Cossackyn Sulby, eisht ta Phil Gawne lhaih magh skeeal liorish Caesar Cashin, as eisht screeuyn aitt va er clouit 'sy Chaghter Vona. Ta shin tannaghtyn rish clashtyn cooinaghtyn Neddy Beg Hom Ruy ayns 'Claare ny Gael', as eh ginsh dooin mychione yn traa echey er yn eeastagh skeddan as hake. In

Ayns 'Traa dy Liooar' ta shin clashtyn meer elley ass Pargys Caillit, 'sy recortys jeant ec Juan y Geill. She Fiona McArdle vees chebbal 'Shiaght Laa', as ta shin clashtyn mychione daa cheeill ayns Doolish nagh vel ry akin nish, as ad er nyn lhieggal paart dy vleeantyn er dy henney. Ta shin clashtyn neesht mychione Noo Colum Killey. Ta nuy questionyn er-nyn-son ayns 'Jamys Jeheiney', as Jamys Kinry cur ad shen ayns three boutyn, bentyn rish Gorillaghyn, rish ny Naightyn as rish Ratchyn Liauyrey. Ta Phil Gawne leeideil shin trooid kuse dy raaghyn ass Lessoonyn Toshee 'sy Ghailck liorish Edmund Goodwin ayns 'Goll as Gaccan', as eisht ta shin clashtyn drane va scruit dy ynsaghey sheeanyn ny Gaelgey da ny paitchyn ayns Mooinjer Veggey. Ta shin jeeaghyn er cooinaghtyn Neddy Beg Hom Ruy reesht ayns 'Claare ny Gael', cur kione er yn skeeal echey mychione traa myr aarleyder, as goaill toshiaght er skeeal mychione yn eeastagh tra haink eh dy ve ny shinney. In 'T

Ayns 'Shiaght Laa' ta shin clashtyn mychione Laare Ellynyn Phurt Chiarn, mychione y ghowaltys Abb Bell ayns Colby, mychione Colum Killey, as mychione yn skeeal cheu-chooylloo jeh'n arrane, Birlinn Ghorree Chrovan. Ta caghlaa 'syn aght ta Jamys Kinry reaghey ny questionyn er-nyn-son ayns 'Jamys Jeheiney', agh she quiz t'ain reesht, kiart dy liooar. Ta Phil Gawne jeeaghyn er paart beg jeh arrane liorish Neddy Beg Hom Ruy ayns 'Goll as Gaccan', roish my vees eh goll trooid raaghyn ayns lessoon ass Lessoonyn Toshee 'sy Ghailck, as eisht t'eh lhaih magh skeeal liorish Colin y Jerry va clouit ayns yn lioar Skeealaght. Ta tooilley mychione Neddy Beg ayns 'Claare ny Gael', as eisht bit beg liorish Neddy Beg, ass screeuyn as ass skeeal mychione ceau oie er baatey eeastee - ta shin clashtyn yn toshiaght jeh shen. In 'Shiaght Laa' we hear about the Erin Arts Centre, about Belle Abbey farm in Colby, about Colum Killey, and about the story behind the song, Bi

Ta shin clashtyn toshiaght y daan hene, Pargys Caillit, 'sy recortys va jeant ec Juan y Geill, as va ry chlashtyn ayns 'Traa dy Liooar'. Ta Maralyn Crellin chebbal 'Shiaght Laa', as ta shin clashtyn mychione Goaill Padjer ec ny Shenn Chialteenyn, mychione bea as obbyr y chloieder snag-chiaull, John Coltrane, as mychione y skeeal cochianglt rish arrane as va chyndaays jeant jeh 'sy Ghaelg liorish Doolish y Karagher. Ta daa whestion jeig er nyn son ayns 'Jamys Jeheiney', rheynnit er kiare ayrnyn jeh three questionyn y pheesh liorish Jamys Kinry. Son 'Goll as Gaccan', ta Phil Gawne stiurey shin trooid lessoon 42 jeh Lessoonyn Toshee 'sy Ghailck liorish Edmund Goodwin, roish my vees Phil as Annie Kissack goaill drane liorish Sharon Christian dy ynsaghey paitchyn yn sheean [k]. Ta shin cur kione er yn straih dy hyndaaysyn liorish Neddy Beg Hom Ruy jeh Skeealyn Aesop ayns 'Claare ny Gael', as ta shin clashtyn meeryn ass screeuyn Neddy Beg neesht.  We hea

Ayns 'Traa dy Liooar' ta Juan y Geill cur kione er Gys yn Lhaider, yn roie-raa roish Pargys Caillit, y paraphrase jeh Paradise Lost 'sy Ghaelg, scruit ec yn Arr Thomas y Christeen. Ta obbyr yn Olloo Avril Maddrell myr geo-oaylleeagh sheshoil as cultooroil goaill stiagh yn sym eck er y taghyrt bleinoil, Goaill Padjer ec ny Shenn Chialteenyn, jehsyn ta shin clashtyn ayns 'Shiaght Laa' Agh va paart dy voghtynys ayn neesht, as ta shin clashtyn my-e-chione, roish my vees goaill ayrn marish Doolish y Karagher ayns arrane. Ta shin goltaghey back 'Jamys Jeheiney' , as goaill soylley jeh daa whestion jeig currit ec James Harrison. Ta Phil Gawne as Annie Kissack goaill drane dy chur trimmid er yn sheean [g] ayns 'Goll as Gaccan'. Ta 'Claare ny Gael' cur lesh dooin straih elley dy skeealyn giarey chyndaait 'sy Ghaelg liorish Neddy Beg Hom Ruy. In 'Traa dy Liooar', Juan y Geill finishes Gys yn Lhaihder, the forward to Pargys Caillit, the paraphrase of Paradise

Ta shin goaill toshiaght lesh 'Traa dy Liooar', aynjee ta shin geaishtagh rish recortys jeant ec Juan y Geill - as lurg barney cho liauyr as v'ayn, ta shin goaill toshiaght reesht. Ayns 'Shiaght Laa' ta Fiona McArdle ginsh dooin mychione yn Fer Lhee John Clague as mychione yn lioar, Cooinaghtyn Manninagh, as assjee ta shin clashtyn Juan y Geill, Robard y Carsalagh as Jamys Kinry loayrt mychione Shenn Oie Voaldyn as Shenn Laa Boaldyn. Ta lessoon ain ayns 'Goll as Gaccan' mychione yn aght dy loayrt mychione yn traa ry heet, chammah's fockle ny ghaa er-nyn-son, choud's ta Phil Gawne jeeaghyn reesht er Lessoonyn Toshee 'sy Ghailck liorish Edmund Goodwin. Ta straih dy skeealyn giarey ain ayns 'Claare ny Gael' ass Skeealyn Aesop, chyndaait 'sy Ghaelg ec Neddy Beg Hom Ruy, Edard Fargher, Cregneash, as clouit 'sy vlein 1901. We begin with 'Traa dy Liooar', in which we listen to a recording made by Jack Gell - and after such a long gap, we begin again

Ta shin goaill toshiaght lesh meeryn liorish Maralyn Crellin va ry chlashtyn ayns 'Shiaght Laa'. Chammah's shen, ta'n skeeal ghiare ain ta goll er insh ayns 'Claare ny Gael', mychione dooinney va ny cheayrtagh ayns Firenze 'syn Iddaal, as yn aght haink eh quail ben faaishnee daa cheayrt. We begin with excerpts by Maralyn Crellin which were heard in 'Shiaght Laa'. As well as that, we have our short story being told in 'Claare ny Gael', about a man who was a visitor in Florence in Italy, and the way he met a fortune-telling woman on two occasions. 

Ta 'Shiaght Laa' briaght mychione yn traa ta'n laa noa ayns rieughid goaill toshiaght; ta shin clashtyn ny fockleyn jeh arrane chosn aundyr ayns cohirrey Boaldyn Culture Vannin; as mychione caa dy heet dy ve cochianglt rish Orchestra Biol Vannin. Ta Phil Gawne jeeaghyn er daa henn raa chreeney cochianglt rish Boaldyn ayns 'Goll as Gaccan', as er daa ronney giare jeh arrane soit Moghrey Laa Boaldyn, roish my vees eh goll er oai gys lessonyn 36 as 37 jeh Lessoonyn Toshee 'sy Ghailck liorish Edmund Goodwin, as fy yerrey ta shin clashtyn fer elley jeh ny draneyn noa son Mooinjer Veggey, dy chur trimmid er phonemeyn ny Gaelgey. Ta'n skeeal ghiare ain ayns 'Claare ny Gael' ooilley mychione skeabey feeackleyn. Son dooinney dy row, ass kionnaghey dy neu-yerkit skeab feeackle lectragh ta eiyrtyssyn yindyssagh ayn. 'Shiaght Laa' asks about when the new day actually begins; we hear the words of the prize-winning song in Culture Vannin's Boaldyn competition; and about a

Ayns 'Goll as Gaccan' ta Phil Gawne dyn stiurey trooid lesson 36 ass Lessoonyn Toshee 'sy Ghailck liorish Edmund Goodwin; ta drane noa son Mooinjer Veggey dy ynsaghey y phoneme [k]; as ta skeeal ghiare ain ass Skeealaght. Ta'n skeeal ghiare ain ayns 'Claare ny Gael' cur lesh shin back gys laghyn ny fir vaghee ooig - agh vel ee dy feer? T'ee mychione Soob Doo as Sook Nagh Row Ro Liauyr, agh she Far-Skeeal son yn Lhing Ain ta'n fo-ennym eck. Ta'n aittys j'ee cheet veih'n fys anachronistagh t'ec fer jeh ny deiney. In 'Goll as Gaccan' Phil Gawne takes us through lesson 36 of First Lessons in Manx by Edmund Goodwin; there's a new rhyme for Mooinjer Veggey to teach the phoneme [k]; and we have a short story from Skeealaght. Our short story in 'Claare ny Gael' takes us back to the days of the cavedwellers - but does it really? It's about Soob the Black and Not So Tall Sook, but it's subtitle is A Fable for Ou

Ta Phil Gawne jeeaghyn er paart jeh lessoon 35 jeh Lessoonyn Toshee 'sy Ghailck liorish Edmund Goodwin ayns 'Goll as Gaccan'. Ta skeeal ghiare ain ayns 'Claare ny Gael' mychione skeeandagh aeg as t'eh cheet lesh lhiantyn tonnyn radio rish tachyon - ta tachyon (ayns sheiltynys, ec y chooid sloo) goll ny s'tappee na bieauid hollysh - ayns eab dy chur chaghteraght da, as dy gheddyn freggyrt veih, gynoaltagh ass planaid ayns coarys greiney elley. Phil Gawne looks at part of lesson 35 from First Lessons in Manx by Edmund Goodwin in 'Goll as Gaccan'. Our short story in 'Claare ny Gael' is about a young scientist who succeeds in attaching radio waves to a tachyon - a tachyon (in theory, at least) travels faster than the speed of light - in an attempt to send a message to, and to get a reply from, an alien from a planet in another solar system.

Ta three meeryn er-nyn-son ass 'Goll as Gaccan', lesh Phil Gawne dyn stiurey trooid lessoonyn 32, 33 as 34 ass Lessoonyn Toshee 'sy Ghailck liorish Edmund Goodwin, eisht arrane beg noa son paitchyn dy ynsaghey ad sheean yn lettyr 'b', as lurg shen reesht skeeal mychione Yn Dooinney Oie. Ta skeeal ghiare ain ayns 'Claare ny Gael' va scruit 'sy Vaarle hoshiaght ec Simon J Wood, as 'sy chyndaays shoh t'ee enmyssit Cheer Cooie da Treanee. There are three pieces for us from 'Goll as Gaccan', with Phil Gawne leading uss through lessons 32, 33 and 34 from First Lessons in Manx by Edmund Goodwin, then a new little song for children to teach them the sound of the letter 'b', and after that again a story about the Dooinney Oie. We have a short story in 'Claare ny Gael' that was written originally in English by Simon J Wood, and in this translation it's called A Land Fit for Heroes.

Ayns 'Goll as Gaccan' ta lessoon 31 ain ass Lessoonyn Toshee 'sy Ghailck liorish Edmund Goodwin, as Phil Gawne stiurey shin trooid shen. T'eh cur dooin neesht kuse dy shenn raaghyn cochianglt rish imbagh y Chaisht . Ta shin clashtyn yn ayrn s'jerree jeh Marrinys Feeagh Odin, y coontey liorish oltey y skimmee, Shorys y Kneale, as she David Fisher ta lhaih magh shen er-nyn-son. Eisht son dooraght ta skeeal ghiare liorish Neddy Beg Hom Ruy, Edard Faragher, dy yannoo ard eailley jeh'n laa ruggyree echey (31/03/1831). Ta skeeal ghiare ain 'sy Ghaelg ayns 'Claare ny Gael', as she chyndaays eh jeh skeeal ghiare scruit ec Virginia Woolf, mychione Miranda "'Sy Gharey Mess". In 'Goll as Gaccan' we have lesson 31 out of First Lessons in Manx by Edmund Goodwin, and Phil Gawne steers us through that. He gives us as well some old saying connected with the Eastertide. We hear the final part of the Voyage of Odin's Raven, the account by crew-member George Kneale

Ayns 'Goll as Gaccan' ta Phil Gawne jannoo chyndaays dy kiarailagh jeh raaghyn ayns Lessoon 30 jeh Lessoonyn Toshee 'sy Ghailck liorish Edmund Goodwin. 'Sy choontey liorish Shorys y Kneale mychione Marrinys Feeagh Odin, ta David Fisher lhaih magh Cabdil 23 er-nyn-son. Va Gabriel Garcia Marquez ny ughtar ard-ghooagh ass yn Cholombia 'syn America Yiass. Ayns 'Claare ny Gael' ta shin clashtyn chyndaays 'sy Ghaelg jeh skeeal ghiare va scruit echey mychione feeackleyr as meoir. T'eh jeeaghyn nagh vel caarjys eddyr oc. In 'Goll as Gaccan' Phil Gawne is carefully making a translation of phrases in Lesson 30 of First Lessons in Manx by Edmund Goodwin. In the account by George Kneale about the Voyage of Odin's Raven, David Fisher is reading out Chapter 23 for us. Gabriel Garcia Marquez was a famous author from Colombia in South America. In 'Claare ny Gael' we hear a translation into Manx of a short stroy that was written by him about a dentist and a mayor. It

Ta Phil Gawne stiurey shin trooid meer elley ass Lessoonyn Toshee 'sy Ghailck ayns 'Goll as Gaccan', lesh kuse dy raaghyn as cagh ry chlashtyn daa cheayrt. Lurg shen ta David Fisher lhaih magh cabdil elley ass coontey liorish Shorys y Kneale mychione Marrinys Feagh Odin. Ayns 'Claare ny Gael' ta skeeal ghiare er-nyn-son reesht - chyndaays 'sy Ghaelg jeh skeeal liorish Brindley Hallam Dennis. Ta aghteyr schleioil ayn, as ta politickeyr ouryssagh 'sy skeeal shoh, Yn Paart dy Chur Caa Smoo Dasyn. Phil Gawne conducts us through another section from First Lessons in Manx in 'Goll as Gaccan', with several sentences and each heard twice. After that David Fisher reads out another chapter from the account by George Kneale about the Voyage of Odin's Raven. In 'Claare ny Gael' there's a short story for us again - a translation into Manx of a story by Brindley Hallam Dennis. There's an accomplished actor and a dubious politician in this story, His Biggest Break.

Ta Phil Gawne dyn leeideil trooid lessoon elley ass Lessoonyn Toshee 'sy Ghailck ayns 'Goll as Gaccan'. Y cheayrt shoh cha nel traa dy liooar agh son un chabdil ass coontey scruit ec Shorys y Kneale jeh Marrinys Feagh Odin, ta goll er lhaih magh er-nyn-son liorish David Fisher. Ga nagh row Edmund Edward Fournier d'Albe ny Yernagh, as nagh row eh cummal 'sy cheer shen rish ymmodee bleeantyn, va sym mooar echey er glare Cheltiagh as cultoor Nerin. Va sym echey er y Phan Cheltiaghys neesht, as ren eh mooarane dy ghreinnaghey sleih dy chur geill da, as dy chummal seose, y Ghaelg. Ta shin clashtyn beggan my-e-chione ayns 'Claare ny Gael'. Phil Gawne leads us through another lesson from First Lessons in Manx in 'Goll as Gaccan'. This time there is only time enough for one chapter from the account written by George Kneale of The Voyage of Odin's Raven, which is read out for us by David Fisher. Although Edmund Edward Fournier d'Albe was not an Irishman, and that he was n

Ta 'Shiaght Laa' jeeaghyn er yn ard-aundyr cultooroil bleinoil, Reih Bleeaney Vanannan. Ta shin jeeaghyn reesht ayns 'Goll as Gaccan' er yn lioar, Lessoonyn Toshee 'sy Ghailck, choud's ta Phil Gawne stiurey shin trooid Lessoon 27 j'ee. Lurg shen, ta daa chabdil elley er-nyn-son ass Marrinys Feeagh Odin, y coontey scruit ec oltey y skimmee, Shorys y Kneale, as she David Fisher ta lhaih magh shen er-nyn-son. Ayns 'Claare ny Gael', ta shin jannoo ard-eailley jeh Laa'l Piran liorish feddyn magh mychione Henry Jenner, va ny Chornagh agh ren eh obbyr ymmydoil bentyn rish y Ghaelg, chammah's rish y Chornish. 'Shiaght Laa' looks at the foremost annual cultural award, Reih Bleeaney Vanannan. We look again in 'Goll as Gaccan' at the book, First Lessons in Manx, whilst Phil Gawne steers us through Lesson 27 of it. After that, we have two more chapters from Voyage of Odin's Raven, the account written by crew-member, George Kneale, and it's David Fi

Ta shin clashtyn Juan y Geill lesh paart elley jeh Pargys Caillit, va ry chlashtyn ayns 'Traa dy Liooar'. She Fiona McArdle ta chebbal 'Shiaght Laa' y cheayrt shoh. Ta lessoon giare ain ayns 'Goll as Gaccan' mychione breearyn ta goaill toshiaght lesh breeockle. 'Sy chenn ghlare v'ad gra 'ta mee ec jannoo', agh shen ersooyl nish, er-lhimmey jeh ayns breearyn ta goaill toshiaght lesh breeockle, ayndaue ta 'g-' ry gheddyn ec toshiaght y vreear hene. Ta Phil cur dooin kuse dy hampleyryn. Ta David Fisher lhaih magh meeryn elley jeh Marrinys Feeagh Odin liorish Shorys y Kneale. As, fakin dy nee'n chied laa Mee Vayrt casherickit da noo patroonagh y Vretin, ayns 'Claare ny Gael' ta shin clashtyn mychione Bretnagh ren screeu daa lioaran 'sy Ghaelg va clouit ec yn Cheshaght Ghailckagh. We hear Jack Gell with another part of Pargys Caillit, that was to be heard in 'Traa dy Liooar'. It's Fiona McArdle who presents 'Shiaght Laa' this time

Ta tooilley er-nyn-son y cheayrt shoh, lesh meeryn ass 'Traa dy Liooar' as 'Shiaght Laa' ayn neesht. Ayns 'Traa dy Liooar' ta shin clashtyn Juan y Geill lhaih magh paart jeh'n daan, Pargys Caillt. Ta'n ughtar Albinagh, Kenneth Grahame, goll er imraa ayns 'Shiaght Laa', as ta shin smooinaghtyn mychione reddyn bentyn rish shenn raa chreeney. Ta David Fisher lhaih magh daa chabdil y choontey, Marrinys Feeagh Odin, liorish Shorys y Kneale ayns 'Goll as Gaccan', as ta Phil Gawne jeeaghyn er yn lioar, Lessoonyn Toshee 'sy Ghaelg. Ta skeeal ghiare ain liorish Virginia Woolf ayns 'Claare ny Gael', agh cho giare va shen dy vel caa dooin clashtyn three skeealyn falleayssagh neesht, liorish Sheila Elliott, Jenn Linning as Kate Fellowes. There's more for us this time, with extracts from 'Traa dy Liooar' and 'Shiaght Laa' available. In 'Traa dy Liooar' we hear Jack Gell reading out part of the poem, Pargy