Beag Air Bheag

A bheil sibh ag ionnsachadh Gàidhlig? A bheil sibh feumach air misneachd gus ur Gàidhlig a chleachdadh? Ma tha, 's ann dhuibhse a tha Beag air Bheag, sreath gu sònraichte do luchd-ionnsachaidh na Gàidhlig.Gach seachdain treòraichidh Iain Urchardan sibh tro chòmhraidhean agus tro aithrisean a bhios feumail dhuibh nur n-ionnsachadh. Beag air bheag, cuiridh sibh ri ur comasan ann a bhith a' bruidhinn Gàidhlig.Sa chiad phrògram den t-sreath seo, tha Iain a' còmhradh ri neach-ionnsachaidh na seachdain Pam Bochell agus a' cluinntinn mu a roghainn-ciùil, tha an t-Ollamh Michel Byrne a' tilleadh airson sreath eile le Oisean a' Ghràmair agus tha Siobhan NicAonghais cuideachd a' tilleadh le fiosrachadh mu chlasaichean Gàidhlig do luchd-ionnsachaidh air feadh Alba.Cuideachd anns an t-sreath ùr seo, bidh sinn a' toirt thugaibh sgeulachd ghoirid thairis air na deich seachdainean a tha romhainn, "An Claigeann aig Damien Hirst" le Maoilios Caimbeul. Cluinnear a' chiad earrann den sgeulachd, air a leughadh le Daibhidh Walker