Padamyar FM

ဒီနေ့အတွက်စကား Progress is impossible without change, and those who cannot change their minds cannot change anything. ဒီစကားကိုပြောကြားခဲ့တဲ့ ကမ္ဘာကျော် မဟာလူသားကတော့ စာပေဆိုင်ရာနိုဘယ်ဆုရှင်တစ်ဦးလည်းဖြစ်တဲ့ အိုင်ယာလန်လူမျိုး ပြဇာတ်ရေးဆရာ George Bernard Shaw ပဲဖြစ်ပါတယ်။ အားလုံးကြားသိလိုက်ရတဲ့အတိုင်းပါပဲ။ ဒီစကားကတော့ Change ပြောင်းလဲခြင်းဆိုတဲ့အကြောင်းအရာရဲ့ အရေးပါ ပုံကိုပြောပြထားတဲ့စကားတစ်ခွန်းဖြစ်ပါတယ်။ ဒီစကားက ကျွန်တော့်တို့ လူသားတွေအတွက်တော့ တကယ့်ကိုမှ အရေးပါတဲ့ စကားတစ်ခွန်းပါ။ ကျောက်ခေတ်မှာရှင်သန်ခဲ့ရတဲ့ ဂူတွင်းအောင်းလူသားတွေဘဝကနေ အခုဆိုရင် နောက်ဆုံးပေါ်အကောင်းဆုံးဆိုတဲ့ အဆောင်အယောင်ပစ္စည်းတွေကိုကိုင်တွယ် အသုံးပြုနိုင်တဲ့ တိုးတက်တဲ့ခေတ်ကလူသားတွေဖြစ်လာခဲ့တာကလည်းပြောင်းလဲခြင်းဆိုတဲ့ အရာကိုလူသားတွေလုပ်ဆောင်ခဲ့ လို့ပါပဲ။ ဒါကြောင့် တိုးတက်ဖွံ့ဖြိုးခြင်းဆိုတဲ့စကားလုံးနဲ့ ပြောင်းလဲခြင်းဆိုတဲ့စကားလုံးဟာသိပ်ကိုမှ နီးစပ်ပြီးပတ်သက်နေတဲ့ အရာတွေဖြစ်ပါတယ်။