Padamyar FM

Walking alone is not difficult. But when we walked a mile with someone, then coming back alone that is more difficult. လူတစ်ယောက်မှာ အရေးပါတဲ့ အကျင့်ဆိုတာနဲ့ပတ်သက်ပြီးတော့ ပြောပြထားတဲ့စကားတစ်ခွန်းဖြစ်ပါတယ်။ လူတစ်ယောက်မှာအကျင့်ဆိုတာက သိပ်ကိုမှအရေးကြီးပါတယ်။ ဘဝတိုးတက်ရေးအတွက်ဆိုရင် ကိုယ်ပိုင်ထားတဲ့ ကိုယ့်ရဲ့အကျင့်ကပဲ ဆုံးဖြတ်မှုကိုလုပ်ဆောင်သွားမှာဖြစ်ပါတယ်။ အထူးသဖြင့် အကျင့်ဆိုတာမျိုးက ပြင်ဆင်ဖို့အတွက် သိပ်ကိုမှ ခက်ခဲ တဲ့အရာတစ်ခုလည်းဖြစ်ပါတယ်။ ကိုယ့်ရဲ့အကျင့်ပါမှုကြောင့်ပဲ ပြင်မရတဲ့အမှားတွေကိုလည်း လုပ်ဆောင်မိတတ်ကြပါတယ်။ ဒီစကားထဲကအတိုင်းဆိုရင် တစ်ယောက်တည်းလမ်းလျှောက်နေရတာ မခက်ခဲလှပါဘူးတဲ့။ ဟုတ်ပါတယ်။ ဘဝခရီးလမ်းကို မဆိုထားနဲ့ ကိုယ်နေ့စဉ်သွားလာနေတဲ့ ပတ်ဝန်းကျင်မှာ ကိုယ်က တစ်ယောက်တည်းသွားလာနေရတာက ကိုယ့်အတွက် မခက်ခဲလှပါဘူး။ ဒါပေမယ့် ကိုယ့်နဲ့လားရာတူတဲ့ တခြားသော ခရီးဖော်တစ်ယောက်ကို တွေ့ပြီး သူနဲ့အတူ ရက်လကြာရှည်စွာနဲ့ အဲဒီခရီးကိုပဲ လျှောက်မိတယ်ဆိုပါစို့။ အကြောင်းအရင်းတစ်စုံတစ်ရာကြောင့် အဲဒီသူရောက်မလာတဲ့အခါမှာ လူတိုင်းကတော့ လာလိမ့်နိုးနိုးနဲ့ မျှော်လင့်မိမှာပါပဲ။ တစ်ယောက်တည်းလျှောက်နေကျလမ်းကို အရင်အဖော်နဲ့လျှောက်ရာကန