Sbs Lao - Sbs

ຄະນະຣັຖບານອອສເຕັຍເລັຍຕົກລົງກັນຮັບເອົາແລ້ວນະໂຍບາຍ ສີ່ບາດກ້ວາເພື່ອອອກຈາກ ລ໋ອກດາວ ແລະການຕ້ອງຫ້າມຕ່າງໆກ່ຽວກັບ ໂຄວິດ-19 ເມື່ອຄົນອອສເຕຼເລັຍຖຶກສັກຢາວັກຊີນ ໂຄວິດ-19 ໃຫ້ຕາມສົມ ຄວນແລ້ວ.

ຂ່າວຄາວສຳຮັບຣະຍະ 05-7-21 ທີ່ເປັນທີ່ສົນໃຈມີຫຍັງແດ່?

ພາຍຫຼັງ ໂຄວິດ-19 ແຜ່ຣະບາດຂຶ້ນໃນໄທຍ໌ແລະ ສປປລາວ ຊາຍແດນ ຣະຫວ່າງສອງປະເທດນັ້ນປິດແຈບ ແຕ່ກໍມີການເປີດມັນຂຶ້ນຫຼາຍແຫ່ງ ແລ້ວ. ໃນຫວ່າງນຶ່ງກ່ອນນີ້ທາງການໄທຍ໌ແລະ ສປປລາວ ໄດ້ປຶກສາຫາລືກັນ ເພື່ອເປີດຊາຍແດນນັ້ຍຕື່ມເພື່ອເເສຖກິດການຄ້າ.

ໃນເສິກສົງຄາມໃນລາວມີຄົນຂອງປະເທດວຽດນາມເໜືອ, ໃຕ້, ສະຫະຣັດອະເມຣິກາ ແລະອື່ນສູນເສັຍຊີວິດໄປໃນເຂດນ້ຳແດນດິນລາວມາກມາຍ. ໃນຫວ່າງນຶ່ງນີ້ທາງການສະຫະຣັດອະເມຣິກາໄດ້ຮັບສິ້ນສ່ວນຂອງຄົນສະຫະຣັດທີ່ຫາຍ ສາບສູນໄປໃນລາວໃນຄາວນັ້ນ ເປັນຮວດໃໜ່ອີກແລ້ວ.

ຄົນໃນ ສປປລາວ ໄປໃຫ້ສັກຢາວັກຊີນ ໂຄວິດ-19 ຈົນຂາດເຂີນຢານັ້ນ. ໃນຫວ່າງນຶ່ງນີ້ທາງການ ສປປລວ ພົບເຫັນຄົນທີ່ຖຶກສັກຢານັ້ນຄົບສຸດແລ້ວ ເປັນ ໂຄວິດ-19.

ສັບປະດາ ເນດ໋ອກ ເປັນເຫດການອັນນຶ່ງທີ່ຖຶກບົ່ງໄວ້ໃນປະຕິພີມ ອອສເຕຼເລັຍ. ອອສເຕຼເລັຍສເລີມສລອງ ສັບປະດາ ເນດ໋ອກ ໃນທຸກເດືອນກໍຣະກະ ດາເພື່ອຮັບຮູ້ປະຫວັດສາດ, ວັທນະທັມປະເພນີແລະຄວາມສຳເຣັດຂອງ ຄົນ ອາໂບຣີຊີໂນນແລະ ຊາວເກາະຕຊແລສເຕຼດ.

ເມື່ອທີ່ ໂຄວິດ-19 ສາຍພັນໃໜ່ ແດນຕາ ທີ່ຕິດແປດກັນໄດ້ງ່າຍໆແລະ ແຕະຕ້ອງເດັກໆຢູ່, ມີການຮຽກຮ້ອງຕ້ອງການໃຫ້ຄົນຜູ້ໜຸ່ມນ້ອຍໃນອອສ ເຕຼເລັຍໄປໃຫ້ສັກຢາວັກຊີນ ໂຄວິດ-19. ໃນປັດຈຸບັນນີ້ວັຍລຸ້ນອາຍຸ 16 ປີແລະທີ່ແກ່ກ່ວາສາມາດຖຶກສັກຢາວັກຊີນ ໂຄວິດ-19 ຍີ່ຫໍ້ ຟາຍເຊີ ໃຫ້, ແລະກໍມີການເຊື່ອຖືວ່າໃນໄວໆນີ້ທາງການ ການຄວບຄຸມຢາໃນອອສເຕຼເລັຍຈະຮັບຮູ້ໃຫ້ຈັກຢານັ້ນໄດ້ແກ່ຄົນໃຂຂົັ້ນ ອາຍຸ 12 ຫາ 15 ປີ.

ໂຄວິດ-19 ສາຍພັນໃໜ່ ແດນຕາ ເປັນບັນຫາຕໍ່ແຜນການສັກຢາກະຕຸ້ນການສັກຢາ ວັກຊີນ ໂຄວິດ-19 ຂຶ້ນແລ້ວ. ສາຍພັນໃໜານັ້ນເປັນຊະນິທີ່ຮ້າຍແຮງກ່ວາສາຍພັນ ໂຄວິດ-19 ໃດໆທີ່ມີມາກ່ອນນີ້. ມັນແຜ່ຜາຍປິດແປດລາມໃສ່ກັນໄວຫຼາຍແລະງ່າຍ. ໃນວເລານີ້ທາງການຕ່າງໆ ຮວມດ້ວຍນັກວິທຍາສາດແລະສາທາຣະນະສຸກມີຄວາມຣະ ແວງສົງໄສວ່າຢາວັກຊີນ ໂຄວິດ-19 ທີ່ມີຢູ່ແລ້ວອາດຈະບໍ່ໄດ້ຜົນກັບສາຍພັນແດນຕາ.

ຂ່າວຄາວໃນຣະຍະ 03-7-21 ມີຫຍັງແດ່ເປັຍທີ່ຄວນຊາບ?

ໄຂ້ເລືອດອອກເປັນພະຍາດທີ່ອາຣະວາດ ສປປລາວ ມານານແລ້ວແລະ ເປັນເຫດການຊ້ຳເຮື້ອທີ່ແກ່ບໍ່ຕົກບໍ່ແຕກມານານແສນນານແລ້ວດ້ວຍ. ປາກົດສ້າຈຳນວນຄົນເປັນພະຍາດດັ່ງກ່າວໃນລາວໃນຕົ້ນປີນີ້ຫຼຸດລົງ ແດ່ແລ້ວ. ດ້ວຍເຫດໃດກັນແທ້ໆ?

ມີຄາດຄະເນວ່າຣົດໄຟຄວາມໄວສູງ ຈີນ-ລາວ ຈະເລີ້ມແລນກັນຂຶ້ນໃນວັນຊາດ 2 ທັນວາ ປີນີ້ ແຕ່ບໍ່ແມ່ນວ່າຈະຂີ່ໄປມາໄດ້ໂດຍມີອິສ ຣະພາບ. ຄົນໃດທີ່ຈະຂີ່ມັນຕ້ອງຖຶກສັກຢາວັກຊີນ ໂຄວິດ-19 ໃຫ້ຈຸບ 2 ເຂັມເສັນ/ຍກ່ອນ.

ຂ່າວຄາວທີ່ຄິດວ່າສຳຄັນສຳຮັບຣະຍະ 28-6-21 ມີຫຍັງແດ່?

ບໍ່ຮູ້ວ່າດ້ວຍເຫດໃດແທ້ ສປປລາວ ຈຶ່ງໄດ້ຢາວັກຊີນ ໂຄວິດ-19 ໂດຍຟຼີຢູ່ເລື້ອຍໆແລະກໍຈະໄດ້ຮັບອີກປະມານເຈັດລ້ານເຂັມ. ແຕ່ອີງຕ່ມຂ່າວຄາວຜ່ານຊືມວນຊົນໃນຄະນະນີ້ ສປປລາວ ຂາດ ເຂີນຢາວັກຊນນັ້ນແລະ ໂຄວິດ-19 ສາຍພັນໃໜ່ ແດນຕາ ໄປ ຮອດໄປເຖິງແຜ່ນດິນລາວແລ້ວ. ຂໍ້ມູນມີຢູ່ວ່າ ແດນຕາ ເກ່ງກ່ວາເກົ່າແລະມີຄວາມສາມດຫຼາຍ ກ່ວາສາຍພັນອື່ນເຖິງຫຼາຍເທົ່າ.

ຣັຖບານອອສເຕຼເລັຍສເນີກົດໜາຍໃໜ່ອັນນຶ່ງຂຶ້ນສາະພາອອສເຕຼແລ້ວ ເພື່ອໃຫ້ພໍ່ແມ່ທີ່ຫຼຸລູກພັກການໄດ້ສອງມື້ໂດຍໄ້ດຮັບເງິນ. ການກະທຳນັ້ນຖຶກສັນຣະເສີນວ່າເປັນການຮັບຮູ້ຄວາມຍາກ ຊາຂອງການໄດ້ຮັບຜົນສະທ້ອນຈາກການຫຼຸລູກຫຼຸເຕົ້າ.

ນາຍຈ້າງສາມດຮຽກໃຫ້ລູກຈ້າງຈຳຕ້ອງຖຶກສັກຢາວັກຊີນ ໂຄວິດ-19 ບໍ່? ສານແຫ່ງນຶ່ງໃນສະຫະຣັດອະເມຣິກາພາໃຫ້ມີການໂຕ້ເຫດໂຕ້ຜົນຂຶ້ນແລ້ວ ກ່ຽວກັບຄຳຖາມນັ້ນ ອັນເປັນເຫດເປີດວິທີທາງໃຫ້ບໍ່ຣິສັດສຸຂພາບຕ່າງໆ ຮຽກໃຫ້ລູກຈ້າງຂອງພວກຂະເຈົ້າໄປໃຫ້ສັກຢາວັກຊີນ ໂຄວິດ-19 ເພ່ືວ່າ ຈະຮັກສາວຽກເຮັດງານທຳຂອງພວກຂະເຈົ້າໄວ້. ການບໍ່ໃຫ້ສັກຢາວັກຊີນນັ້ນແມ່ນມີເຫດມີຜົນຕ່າງໆນາໆ.

ຣັຖບານອອສເຕຼເລັຍໃຫ້ການສອນພາສາອັງກິດໂດຍບໍ່ຄິດຄ່າຫຍັງແກ່ຄົນ ຕ່າງເທດທີ່ມາຢູ່ອອສເຕຼເລັຍຢ່າງຖາວອນ, ອົພຍົບແລະຄົນທີ່ຖືວີຊາບາງຢ່າງ. ນີ້ເປັນສິ້ນສ່ວນນຶ່ງຂອງການຕັ້ງພູມລຳເນົາພວກດັ່ງກ່າວເພື່ອວ່າພວກຂະເຈົ້າ ນັ້ນຈະສາມດເຂົ້າຮ່ວມກັບຊິວິດໃໜ່ໃນແຫ່ງນີ້ໂດຍມີຄວາມໜາຍ. ຍ້ອນການປະຕິຮູບໂຄງການສອນພາສອັງກິດນັ້ນ ບັດນີ້ພວກດັ່ງກ່າວສາມາດ ຮ່ຳຮຽນພາສາອັງກິດນັ້ນໄດ້ເປັນເວລາຫຼາຍຕື່ມ.

(26-6-21) ຂົງແຄ້ວນ ຊິດຊນີ ລ໋ອກດາວ ສອງສັບປະດາຂຶ້ນແລ້ວ ສຳຮັບ "ເກຼດເຕ ຊິດນີຢ, "ບຼູ ມວງເຕນສ໌", "ແສນໂທຼນ ໂຄສຕ໌" ແລະ "ຢວູລອງຄອງ". ລ໋ອກດາວນັ້ນແມ່ນສຳຮັບແຕ່ 6 ໂມງແລງ ໃນວັນທີ 26 ມິຖຸນາ 2021 ຮອດທ່ຽງຄືນຂອງັວທີ 9 ກໍຣະກະດາ 2021. ຣັຖບານນີວຊາວແວນລໍ໌ຕໍ່ຍາວອອກລ໋ອກດາວນັ້ນພາຍຫຼັງທີ່ໄດ້ປະຊຸມສຸກ ເສີນກັນຂຶ້ນແລ້ວ. ໂຄວິດ-19 ສາຍພັນ ແດນຕາ ກຳລັງແຜ່ຣະບາດຂຶ້ນໃນຣັດນີວຊາວແວນລ໌ຢູ່.

ປີນີ້ 2021ອອສເຕຼເລັຍສເລີມສລອງສັບປະດາອົພຍົບ. ຈາກການສຳພາດ ທ່ານ ເດດ ສີແສງຣັດ ໃນນັ້ນຄົນລາວໃນຣັດນີວຊາວແວນລ໌ ໂດຍການນຳພາຂອງສະມາຄົມສົ່ງເສີມຊຸມຊົນລາວກໍຈະກະທັມດັ່ງນັ້ນໂດຍກິຈກັມ ຕ່າງໆມາກມາຍ. ການຈະກະທຳໂດຍສະມາຄົມນັ້ນແມ່ນເພື່ອຫັຍງກັນແທ້? ດ້ວຍເຫດໃດແທ້ນັ້ນຖຶກໂຈະໄວ້ແລ້ວ?

ການຊ່ວຍເຫຼືອ ສປປລາວ ໃນຍາມ ໂຄວິດ-19 ມາກມາຍຖຶກນຳສົ່ງ ໄປຮອດໄປເຖິງ ສປປລາວ ແຕ່ມີຫັຍງແດ່? ທັງ ສປປລາວ ແລະ ສະຫະຮັດ ບໍ່ເປີຍເຜີຍໃຫ້ຮູ້ນຳ.

ໃນ ສປປລາວ ໂຄວິດ-19 ກຳລັງທະວີຄວາມຄືບເມື່ອໜ້າຂອງມັນ ຢູ່ຕລອດມາຢູ່ກະທັງທີ່ພັກຣັຖຈະເຮັດຈະກະທຳຫັຍງກໍຕາມ. ບັດນີ້ທາງການ ສປປລາວ ຫັນມາເອົາຈິງເອົາຈັງກັບການກັກ ຄົນທີ່ເຂົ້າໄປຮອດແຜນດິນລາວໄວ້ 14 ມື້ ເພ່ືອເຝົ້າຣະວັງ ແນມເບິ່ງວ່າພວກຂະເຈົ້າເປັນ ໂຄວິດ-19 ຫຼືບໍ່?