Kolnas?ta

Itūreiz pi myusu gostūs dzejis slama “Rogovkys dzejis voga” debitants latgaliskajā literaturā  i uzvarātuojs Silvestrs Solovjevs. Pyrma deveņu goda Silvestrs cīte smogā avarejā i niu juo kasdīna paīt, atjaunojūt spākus. Jam ir daudzi sapynu i mierku, kai ari prīca par vareibu pīdzeivuot lītys i nūtikšonys. Silvestrs padzilinuoti interesejās par smogū muzyku i ir podkasta "Metālkāsts LV" vīns nu autoru i izveiduoju.  “Tei raksteisona maņ ir saleidzynojūši jauna pīredze. Godu gaitā īškā ir kruojušuos sajiutys, vysaidi īškeji puordzeivuojumi. Reali koč kū iz uoru suoču laist  i raudzeit ītērp rodūši viņ iz pārnejuos vosorys golu, pat rudiņa suokumā. Paguoja vasals gods i beja sajiuta, ka daži nu dzejūļu nav poši švakuokī i grybātūs jūs palaist tuoluok cylkākūs. Pasaruodeja taida īspieja kai Rogovkys dzejis slams latgaliski i ruodejuos ka juoizmontoj. Pyrma tam nivīnam jūs nabeju ruodejs.” Literarūs tekstus Silvestrs roksta latvīšu literarajā volūdā i daleibai dzejis slamā daguoja jūs puorlikt latgaliski

Turpynojūt svieteit Latvejis dzejis dīnys šudiņ raidejuma producente Guna Zvīdre ar literaturzynuotnīku i literatu Valentīnu Lukaševiču runuos par aktualū latgaliskajūs tekstūs i raksteituo vuorda svoru laika garšys saglobuošonai. Kas kūpeigs literaturai i laika mašynai? Voi i kai literatura puorsavītoj, mainuos? Kas ir literats i kod jis par taidu suoc byut? “Vysa muoksla roda tū, ka mes jū patierejam. Tys ir cīši labi, ka ir dzeja, bet tryukst pošu radeitu emoceju. Tys kū nūzeimej? Ka es pats vaira namuoku prīcuotīs, bāduotīs, bet tikai tod, ka es nūsaklausu šmuku dzīsmu manī rūnās prīks. Voi tod, ka es pasaveru telefonā koč kū jautru, manī rūnās jautreiba. Saīt tai, ka es naasu saiminīks sovom emocejom, es juos narodu i ir vajadzeigs uorejais kairynuojums.” Dzeja, muzyka, televizeja – jī manī roda prīku, bādys, jautreibu.”

 “Kolnasātys” gruomotplaukta rubrikā latgalīšu kulturys ziņu portala lakuga.lv redaktore Laura Melne itūreiz vaira pastuosteis par dzejneicys Anitys Mileikys naseņ izguojušū kruojumu “ziņas par gadalaikiem”. Dzejneicys Anitys Mileikys vuords latgalīšu i varbyut ari kūpnacionaluos latvīšu literaturys cīneituojim varātu byut zynoms – 2015. godā izguoja juos pyrmais kruojums “mūžīgā nepārtikusī stirna”, kas sajēme kai Latgalīšu kulturys goda bolvu “Boņuks”, tai tyka nomināts Latvejis Literaturys goda bolvys lobuokuos debejis kategorejai. Ari pyrma tuo Anita, kura īt nu Kruoslovys nūvoda Osyuna pogosta i studējuse filologeju Rēzeknis Augštskolā, gona aktivai beja publicējusēs kai portalā lakuga.lv, tai Latvejis literaturys medejūs. Tok ruodīs, ka taišni piec debejis kruojuma dzejneica pagaisa nu publiskuos telpys i itei ir zynoma atsagrīzšona piec garuokys klusuma pauzis. Tū, ka paguojs garuoks laiks var just ari, niu puorskaitūt obejus Anitys Mileikys dzejūļu kruojumus i raugūt tūs saleidzynuot. Īspiejams, ka

Kruoslovys nūvoda Aulejā teikamīs ar literati, itainis kulturys dzeivis organizatori Ilzi Vovku jeb Elizabeti, kurai tikkū kai izguojs juos trešais kruojums, itūreiz tī ir “Dzejūleiši” bārnim. Ar Ilzi runojom par raksteišonu latgaliski, rudini kai dzejis ražys laiku, itainis volūdys sovpateibom i vareibu tuos saglobuot caur raksteitū vuordu.  

Rubrikā „Itai lobuok” profesore Lideja Leikuma turpynoj stuosteit par tū, kaidus vuordus, tū salykumus ci formys lobuok lītuot latgaliski. Itūreiz par tū kai latgaliski lobuok pasaceit "izslacis" - olkons, napaieds. 

Viesturis rubrikys teksts: Nu 13. da 16. godu symta vysa tānejuo Latgola beja Livonejis sastuovā. Par tuo laika livonīšu dzeivi līcynoj vysaidi viesturis olūti. Ituos reizis viesturis rubrikā  viesturis doktorants i muzikis Arņs Slobožanins stuosteis par puora interesantom atkuopem saisteibā ar dzeivi Livonejā.

Gastejam Ludzys nūvoda Ļauderu pogosta bibliotekā. Ite ir ludzuonīša, literaturzynuotnīka, vaira nakai 20 gruomotu autora ci sakuortuotuoja profesora Vitolda Valeiņa dzymtuo puse. Jau rudinī tiks izdūta pīminis i atkluošmu gruomota  “Vitolds Valeiņs: personeiba i dorbi”. Pi tuos struodoj i ari itamā sarunā par tū, kas i kaids tod beja Vitolds Valeiņs,  pīsadola filologejis doktore, Latgalīšu kulturys bīdreibys vadeituoja Ilga Šuplinska, Latvejis Universitatis Humanitarūs zynuotņu fakultatis Latvistikys i baltistikys nūdalis Baltu volūdnīceibys katedrys profesore Lidija Leikuma,  Vitolda Valeiņa mozmeita Teika Lapsa, Vitolda Valeiņa bruoļa mozdāls Andris Valeiņs i cyti interesenti.

Rubrikā „Itai lobuok” profesore Lideja Leikuma turpynoj stuosteit par tū, kaidus vuordus, tū salykumus ci formys lobuok lītuot latgaliski. Itūreiz par tū kai latgaliski lobuok pasaceit "fotogrāfija" - karteņa, biļde.

 “Kolnasātys” gruomotplaukta rubrikā latgalīšu kulturys ziņu portala lakuga.lv redaktore Laura Melne itūreiz vaira pastuosteis par Pūlejā izdūtū “700 latgalīšu vuordu vuordineicu, kas taiseita iz Stefanejis Uļanovskys puorsoku pamata”. Augusta suokuos Viļānūs tyka prezentāta sovā ziņā naparosta gruomota – 700 latgalīšu vuordu vuordineica, kuruos pamatteksts ir angļu volūdā, bet tei izdūta Pūlejā. Gruomotys autore ir Adama Mickeviča Poznanis Universitatis profesore Nikole Naua. Jei, asūt vuocīte piec tauteibys, bet struodojūt Pūlejā par lingvistikys profesori, jau daudzu godu garumā veic pietejumus par latvīšu i latgalīšu volūdys gramatiku, tymā skaitā ir jau īprīšk angļu volūdā izdavuse gruomotu par latgalīšu volūdys gramatiku. Taipat Naua vuocyski tulkoj latvīšu i latgalīšu literaturu, par tū pārņ sajāmuse Latvejis Ministru kabineta Atzineibys rokstu kai vīna nu kulturys nūzaris izcileibom. Vīnu nu īmesļu, kas pīsaistejs Nikoli Nauu latgalistikai, ir taišni Stefanejis Uļanovskys puorsokys. Pījamu, ka Stefa

Šudiņ ar kontrabasistu i komponistu Jāni Rubiku, kai ari muziki i dzejneicu Vaidu Voveri runojam par jūs latgaliskajom saknem i tūs steigom jūs rodūšajā darbeibā – muzykā i tekstūs. Par Latgolu sirdī i Latgolu muzykā. Latgolu, kur autentiskais sasavyn ar myusdīneigū i īguļst vidē. Latgolys viestnīceibā GORS nu 23. da 25. augusta skanēs Latvejis Nacionaluo simfoniskuo orkestra festivals “LNSO vasarneica”, kura svātdīnē, 25. augustā, nūsaslēgs ar koncertu “SIMFO. ETNO. DŽEZS”. Attīceiguos programys tapšonā ir īsaisteiti ari myusu ituos dīnys gosti – Jānis Rubiks i Vaida Vovere. Vaida pīzeist, ka sajamūt pīduovuojumu raksteit tekstus koncertam “SIMFO. ETNO. DŽEZS”  jutusēs cīši pagūdynuota. “Es cīši grybu i bīžai viņ rokstu dzeju taišni par Latgolu i taidom sajiutom, kai jau es saceju, tei ir taida miļzeiga daļa nu mane. Vyss īt uorā ar laiku i vysaidim nūtykumim. Maņ ruodejuos – kaida sakriteiba, ka taišni par itū es lobpruot pīraksteitu i tai tys vyss suoce rytynuotīs iz prīšku.” Poša Vaida latgaliski vys

Rubrikā „Itai lobuok” profesore Lideja Leikuma turpynoj stuosteit par tū, kaidus vuordus, tū salykumus ci formys lobuok lītuot latgaliski. Itūreiz par tū kai latgaliski lobuok pasaceit "sauļoties" - sauļuotīs, pījimt saulis vannys.

Aglyunys svātku prīškvokorā Rēzeknis nūvoda Sarkaņūs Dzeiveibys muotis sekularuo instituta goreigejā centrā sasateikam ar Reigys Svātuos Marejis Magdalenys Romys katuoļu bazneicys veiskupu, latgalīti Andri Kravali. Ar veiskupu runuosim par ceļa svareigumu myusu dzeivē – svātceļuojumu. Par ceļu, kas svareigs sarunai pošam ar sevi i sovom īškejom ceiņom, svātku i dzīdynuošonys sajiutu ceļa golā. Sarunā pīsadola ari draudzis lūcekle, svātceļneica Sarmeite.  “Tei ir sova veida taida elitara īspieja ite caur goreigajim vyngrynuojumim, konfereņcem, dīvakolpuojumim i talanteigajim cylvākim taidā veidā sevi boguotynuot. Na vysod ir taida īspieja… Pīkrissit, ka mes cīši bīžai, vysu laiku myurejom ap sevi taidu egoisma myuri, vysu laiku asam nūdarbynuoti tikai ar sevi, tod svātceluojums ir taids cīši atbreivojūšs.”  

Rubrikā „Itai lobuok” profesore Lideja Leikuma turpynoj stuosteit par tū, kaidus vuordus, tū salykumus ci formys lobuok lītuot latgaliski. Itūreiz par tū kai latgaliski lobuok pasaceit "peldēties" - maut, mauduotīs.

Literaturzynuotnīks Valentins Lukaševičs i viesturis doktorants, muzikis Arņs Slobožanins “Vuordineicā” stuosta par vuordu būgls.

Bolvu nūvoda Škilbānu pogosta sātā “Apses”, pryšā kupola sātā, smuordoj piec casnāgu, piec “Stabļovas ķiploka”. Napaseņ nūplāstuos casnāgu gaļvenis ryupeigai puorcyloj sātys saiminīki Jurs i Ilze Supis ar sovim trejim biernenim. Jura vactāva sāta atjaunuota, ituo gods cansāgi nūvuokti, teirumā kirbeiši brīst i tomati gatavejās – tys ir saimis sirdsdorbs i spāks. Kai stuosta Jurs i Ilze – vyss suocīs ar puora vadzeņom casnāgu. Saimē ir spāks, bet lelā saimē tys spāks ir vēļ leluoks – tū pīruoda arī Jurs i Ilze Supis. Itys ir stuosts par stypru saimi, cīnu pret sovu zemi i  dzymtys tradiceju turpynuošonu.