Drøs - Teater Og Scenekunst

Solfrid Heier er gjest i denne eksklusive episoden. Ho har vore aktiv skodespelar i 55 år(!!) og er no aktuell med framsyninga Kleopatra på Biltur. Vi drøsar om både det konkrete og meir svevande ved livet som skodespelar.

Vi har fått med oss ein veldig spennande gjest, nemleg Lise Ulvedahl Carlsen! Saman drøser vi rundt feministisk kunst, performance og bruk av mensblod i kunsten. Sjekk ut Lises kunst på www.liseulvedahl.weebly.com

Etter eit lite opphald brakar vi laus med eit ekstra spennande tema: KLOVN. Kva er klovn? Sirkusklovn, sjukehusklovn, klovn som verktøy eller berre klassens klovn? Vi får ei innføring i klovnens historie i vår splitter nye spalte: Fakta med Jenny. I studio har vi med oss kremgjest, sjefsimprovisatør og vår eigen klovnekspert Yngvar Nilsen Skuland.

Vi er attende frå ferie og mykje har skjedd sida sist! Vi drøser om spel og kva som kategoriserast som det. I vår fyrste utanriks følgjer vi Jenny som tek turen ut på gata for å høyre kva folket tenkjer om spel!

I siste episode før sommaren er heile gjengen samla i Kristiansand for å drøse om impro. Kva er skilnaden mellom improvisasjon, improteater, teatersport og meastro? Kvar kan du sjå improteater? Er impro alltid gøy eller kan det vere trist òg? Vi svarer så godt vi kan i en herleg balanse mellom fag og fjas. God sommar! Vi høyrast att 27. august!

Det er juni og det er Pride! I denne episoden drøser Julie og Mary Ann om eit utval scenekunst i samanheng med Pride i Oslo. Mellom anna deltek vår eiga Mary Ann med spoken word og drag. Det er mykje spennande som skjer og nesten alt er gratis. Sjå oslopride.no for fullt program. Vi ynskjer dykk god Pride ❤️(PS: Julie fortel ein løyndom)