Abbyr Shen Reesht - Say That Again

Ta shin goaill toshiaght lesh meer ass Pargys Caillit, recortit ec Juan y Geill, as va ry chlashtyn ayns 'Traa dy Liooar' fastyr Jelune er Radio Vannin AM1368. Er coontey yn reihys mooar cadjin, cha row 'Shiaght Laa' goll fastyr beg Jerdein, myr shoh ta shin lheimmey er oaie gys 'Jamys Jeheiney', fastyr Jeheiney er Radio Vannin AM1368, as ta tooilley questionyn symoil goll er cur orrin liorish Jamys Kinry. Son 'Goll as Gaccan', hug Phil Gawne lesh recortys jeh Annie Kissack goaill arrane dy hoilshaghey magh y phoneme / h /, as eisht t'eh goll trooid ny fockleyn jeh roish my vel shin clashtyn eh reesht. Fastyr beg Jedoonee ayns 'Claare ny Gael', ta shin goll y raad ayns cart jiptianagh marish Mnr Toad, y Roddan Ushtey as y Chyaghan. We start with a piece from Pargys Caillit, recorded by Jack Gell, and which was to be heard in 'Traa dy Liooar' on Monday afternoon on Manx Radio AM1368. Because of the general election, 'Shiaght Laa' wasn't on on Thu

Lurg meer elley liorish Juan y Geill ass Pargys Caillit va ry chlashtyn ayns 'Traa dy Liooar', ta shin clashtyn meer ny ghaa ass 'Shiaght Laa' marish Maralyn Crellin. Ayns 'Jamys Jeheiney' ta nuy feyshtyn reesht currit orrin liorish Jamys Kinry. Ta arrane beg dy hoilshaghey magh y phoneme / a / ry chlashtyn ayns 'Goll as Gaccan', as Aalin Clague as Rob Cain cloie as goaill arrane, as Phil Gawne goll trooid ny fockleyn jeh. Ta arraneyn elley er-nyn-son ayns 'Claare ny Gael', lesh daa arrane tradishoonagh as fockle ny ghaa mychione sorchyn dy hiyn. After another extract by Jack Gell from the Manx paraphrase of Paradise Lost that was to be heard in 'Traa dy Liooar', we hear some pieces from 'Shiaght Laa' with Maralyn Crellin. In 'Jamys Jeheiney' there are nine questions again put to us by James Harrison. There's a little song to illustrate the phoneme / a / to be heard in 'Goll as Gaccan', with Aalin Clague and Rob Cain playing and sing

Ass 'Traa dy Liooar' fastyr beg Jelune, ta meer elley ain ass Pargys Caillit, 'sy recortys jeant ec Juan y Geill. Fastyr beg Jerdein, she Fiona McArdle ta chebbal 'Shiaght Laa', agh ta shin clashtyn coraa Brian Mac Stoyll neesht. Tooilley feyshtyn er-nyn-son ayns 'Jamys Jeheiney' fastyr Jeheiney, lesh Jamys Kinry cur questionyn mychione Miallyn ard-ghooagh, Germanee ard-ghooagh, as mychione arrane ennoil. Lurg lessoon liorish Phil Gawne ta cur-lesh shin gys y gharey reesht, ta shin clashtyn arrane dy ynsaghey paitchyn Mooinjer Veggey y phoneme / j /, as eisht ta Phil cur kiare enmyn dooin, as daa jeu ayns rieughid er Rheynnyn y Reiltys as daa enmyn elley. Va ny meeryn shoh ry chlashtyn ayns 'Goll as Gaccan' fastyr Jedoonee. Fastyr beg Jedoonee ayns 'Claare ny Gael' ta meer elley as yn skeeal, Y Gheay ayns ny Shellee. From 'Traa dy Liooar on Monday evening, we have another piece from Pargys Caillit, in the recording made by Jack Gell. On Thursday evening, it'

As veg ain jeh Pargys Caillit er yn oyr nagh row 'Traa dy Liooar' goll, ta shin clashtyn hoshiaght meeryn ass 'Shiaght Laa', roish my vees doolane currit foin lesh feyshtyn liorish Jamys Kinry ass 'Jamys Jeheiney'. Ta lessoon giare er-nyn-son liorish Phil Gawne ass 'Goll as Gaccan', as eisht ta shin clashtyn toshiaght nah chabdil y skeeal ard-ghooagh, Y Gheay ayns ny Shellee, as chyndaays 'sy Ghaelg jeh'n Vaarle scruit hoshiaght ec Kenneth Graham. With nothing of the Manx paraphrase of Paradise Lost because 'Traa dy Liooar' wasn't on, we hear first pieces from 'Shiaght Laa', before a challenge is thrown down to us with questions by James Harrison from 'Jamys Jeheiney'. There's a short lesson for us by Phil Gawne from 'Goll as Gaccan', and then we hear the start of the second chapter of the famous story, The Wind in the Willows, and a translation into Manx of the English written originally by Kenneth Graham.

Ass 'Traa dy Liooar' ta shin clashtyn meer elley jeh Pargys Caillit, lesh obbyr yn Arrymagh Thomas y Christeen goll er lhaih magh liorish Juan y Geill. She Maralyn Crellin ta chebbal 'Shiaght Laa' y cheayrt shoh. Ayns 'Goll as Gaccan' ta Phil Gawne lhaih magh ass screeuyn naight mychione taghyrtyn ny Gaelgey, as eisht t'eh jeeaghyn er daa ronney jeh hymn. Ta shin cheet gys jerrey yn chied chabdil jeh Y Gheay ayns ny Shellee ayns 'Claare ny Gael'. From 'Traa dy Liooar' we hear another extract from the Manx paraphrase of Paradise Lost, with Rev Thomas Christian's work being read by Jack Gell. Maralyn Crellin presents 'Shiaght Laa' this time. James Harrison is asking questions again in 'Jamys Jeheiney', this time about Afghanistan, The Muppets and Ships. In 'Goll as Gaccan' Phil Gawne reads from a newsletter about Manx language events, and then looks at two verses of a hymn. We reach the end of the first chapter of The Wind in the Wi

Lurg meer elley ass Pargys Caillit 'sy recortys liorish Juan y Geill va ry chlashtyn ayns 'Traa dy Liooar' ta shin goll er oaie gys towse dooble jeh 'Shiaght Laa' - va'n chied chlaare 'sy straih noa jarroodit y cheayrt s'jerree, myr shoh ta shin clashtyn shen, roish my vees Fiona McArdle chebbal meeryn as y chlaare shoh chaie. Va questionyn ain ayns 'Jamys Jeheiney' reesht, agh ta foast three jeu ry heet, myr ta shin clashtyn Jamys Kinry soilshaghey magh. Ayns 'Goll as Gaccan' ta Phil Gawne jeeaghyn er yn chied ronney jeh hymn Isaac Watts ayns chyndaays 'sy Ghaelg liorish yn Arrymagh J T Clarke . Ta'n nah ayrn jeh chied chabdil y skeeal ard-ghooagh liorish Kenneth Grahame, Y Gheay ayns ny Shellee, ry chlashtyn ayns 'Claare ny Gael'. After another piece from the Manx paraphrase of Paradise Lost in the recording by Jack Gell that was to be heard in 'Traa dy Liooar' we move on to a double dose from 'Shiaght Laa' - the f

Ass 'Traa dy Liooar' ta shin clashtyn meer elley jeh Pargys Caillit 'sy recortys jeant ec Juan y Geill 'sy vlein 1980. Cha row 'Jamys Jeheiney' ry chlashtyn y cheayrt shoh, myr shoh ta shin goll dy jeeragh gys 'Goll as Gaccan', as aynjee va Phil Gawne loayrt mychione gobbraghey 'sy gharey as goaill paart dy yough neesht - agh cre'n sorch? Ayns 'Claare ny Gael' y cheayrt shoh chaie, cheayll shin mychione y Chyaghan faagail thie arragh dy row, as t'eh er jeet gys awin. Y cheayrt shoh ta shin clashtyn mychione yn aght ta'n Kyaghan as y Roddan Ushtey cheet dy ve nyn gaarjyn 'sy chyndaays shoh jeh skeeal Kenneth Grahame. From 'Traa dy Liooar' we hear another extract from the Manx paraphrase of Paradise Lost in the recording made by Jack Gell in the year 1980. 'Jamys Jeheiney' wasn't to be heard this time, so we go directly to 'Goll as Gaccan', and in it Phil Gawne is talking about working in the garden and taking some drink

My vees oo geiyrt er ny fockleyn jeh Pargys Caillit ayns Lioar XX y Heshaght Vanninagh, yn cheayrt shoh ayns 'Traa dy Liooar' ta shin clashtyn Juan y Geill lhaih magh veih'n hoghtoo linney er duillag 11 gys yn chied linney er duillag 12. Ta three boutyn dy whestionyn as three questionyn y pheesh ayndaue, ayns 'Jamys Jeheiney', as Jamys Kinry cur orrin feyshtyn mychione Lioaryn Roald Dahl, mychione Mraane ayns Sheanse, as mychione ny Gammanyn Olympagh. Ta lessoon 'sy Ghaelg ain ayns 'Goll as Gaccan', as ta shin goll marish Phil Gawne stiagh 'sy gharey. Ta shin jeeaghyn er chyndaays 'sy Ghaelg jeh toshiaght y skeeal, Y Gheay ayns ny Shellee, ayns 'Claare ny Gael', as shen jeh'n lioar ard-ghooagh shen liorish Kenneth Grahame, as ta shin clashtyn mychione yn aght ta'n Kyaghan cheet quail y Roddan Ushtey. If you're following the words of the Manx paraphrase of Paradise Lost in Vol XX of the Manx Society, this time in 'Traa dy Liooar' we h

Ta shin clashtyn Juan y Geill choud's t'eh lhaih magh meer elley ass Pargys Caillit er-nyn-son ayns 'Traa dy Liooar'. Va'n lioar Skeealaght clouit ec yn Cheshaght Ghailckagh 'sy vlein 1976, as va kuse dy skeealyn scruit er-e-son liorish Colin y Jerry. Ta Phil Gawne lhaih magh fer jeu, Corkish, ayns 'Goll as Gaccan'. Ren Sean O Bradaigh chyndaays jeh skeeal ass Mannin scruit 'sy Vaarle ec Dora Broome, The Merman's Coat. Ayns 'Claare ny Gael' ta shin clashtyn vershoon jeh shen 'sy Ghaelg, Cooat yn Dooinney Marrey, cur geill da'n vershoon 'sy Yernish chammah's da'n skeeal 'sy Vaarle. We hear Jack Gell as he reads out another extract from the paraphrase in Manx of Paradise Lost for us in 'Traa dy Liooar'. The book Skeealaght was published by Yn Cheshaght Ghailckagh (The Manx Language Society) in the year 1976, and there were several stories written for it by Colin Jerry. Phil Gawne read out one of them, Corkish, in 'Goll as Ga

Va meer ass Pargys Caillit ry chlashtyn ayns 'Traa dy Liooar' y cheayrt shoh, myr shoh ta caa dooin clashtyn Juan y Geill lhaih magh shen er-nyn-son. Ayns 'Goll as Gaccan' ta drane ry chlashtyn, jeusyn ta goll er screeu dy ynsaghey paitchyn sheeanyn ny Gaelgey.  Ta shin foast jeeaghyn er cooinaghtyn Neddy Beg Hom Ruy ayns 'Claare ny Gael', as y cheayrt shoh t'eh cheet er yn aght va ny eeasteyryn gymmyrkey tra v'ad cheet gys jerrey yn imbagh as va'n eeastagh skeddan cheet gy kione. There was an extract from the Manx paraphrase of Paradise Lost in 'Traa dy Liooar', so we have the opportunity to hear Jack Gell reading out that for us. In 'Goll as Gaccan' there's a rhyme to be heard, one of those that are being written to teach children the sounds of the Manx Gaelic language. We're still looking at the reminiscences of Neddy Beg Hom Ruy in 'Claare ny Gael', and this time he's referring to the way that the fisherman behaved when they

Ta ny nuy questionyn er-nyn-son ayns 'Jamys Jeheiney' mychione : Cayrnyn; Armyn (yn Heraldys); as mychione Eeym (ny stoo vees jeant dy ve myr eeym). Myr shoh, reayn lhean dy chooishyn t'er nyn reih ec Jamys Kinry. Ta caa dooin goaill soylley jeh show va jeant mleeaney ec paitchyn y Vunscoill Ghaelgagh - Skeeal mychione y Chliwe Macabuin. Ta Phil Gawne lhaih magh toshiaght y skeeal ayns 'Goll as Gaccan', as eisht ta shin clashtyn ny paitchyn hene. Ayns 'Claare ny Gael' ta shin mooie er y cheayn reesht marish Neddy Beg Hom Ruy choud's t'eh ginsh dooin mychione ny cliaghtaghyn cochianglt rish yn eeastagh skeddan ayns ny laghyn va ny baatyn eeastee fo hiauill. There are nine questionyn for us in 'Jamys Jeheiney' about : Horns; Coats of Arms (Heraldry); and about Butter (or stuff that's made to be like butter). So, a wide range of subjects that have been chosen by James Harrison. We have an opportunity to enjoy a show that was performed this year by children of t

Ayns 'Jamys Jeheiney', ta Jamys Kinry cur nuy feyshtyn orrin, bentyn rish three cooishyn t'eh er reih y cheayrt shoh : yn Chapaan; Fynnoddereeyn; as Lughee.  Ta shin clashtyn drane elley jeant ec Phil Gawne as Annie Kissack dy ynsaghey y phoneme /r/ 'sy Ghaelg da paitchyn. Chammah's shen ayns 'Goll as Gaccan', ta Phil Gawne loayrt mychione shappal. Ta shin clashtyn dy row Neddy Beg Hom Ruy screeu sheese e chooinaghtyn as skeealyn cheayll eh woish sleih elley choud's v'eh er boayrd baatey eeastee va ny lhie ayns Crookhaven, as dy vel ooilley ny reddyn shoh jannoo seose screeuyn. Ta ny meeryn shoh ry chlashtyn ayns 'Claare ny Gael'. In 'Jamys Jeheiney', James Harrison puts nine questions to us, associated with three topics he's chosen this time : Japan; Fynnodderees; and Mice. We hear another rhyme performed by Phil Gawne and Annie Kissack to teach the phoneme /r/ in the Manx language to children. As well as that in 'Goll as Gaccan', Phil

Ta shin clashtyn meer elley ass Pargys Caillit ayns 'Traa dy Liooar', as Juan y Geill lhaih magh obbyr yn Arrymagh Thomas y Christeen er-nyn-son. Ayns 'Jamys Jeheiney' ta jeih questionyn goll er cur orrin liorish Jamys Kinry, agh cha nel agh nuy ansooryn ry gheddyn - shegin dooin fuirraghtyn derrey y nah cheayrt dy gheddyn magh y jeihoo ansoor. Reesht, questionyn er caghlaaghyn cooish as caa dy gheddyn magh tooilley fys my-nyn-gione neesht. Er yn oyr dy row 'Goll as Gaccan' goll er scaalheaney yn laa roish sharmaneys bleinoil y Reiltys ayns Balley Keeill Eoin, ta Phil Gawne ginsh dooin raaghyn cooie da'n laa hene, as mychione shiartanse dy leih vees ry akin goaill ayrn 'sy charmaneys. Myr cheayll shin ayns 'Claare ny Gael' roish nish, va ayr Neddy Beg Hom Ruy mie er enn myr eeasteyr, agh va'n baatey echey mooirchoorit blein dy row. Tra va oyr ec Thomas Nicky, yn Gaaue Garroo, va mainshter y vaatey eeastee, H B Duke, tannaghtyn sthie, vrie eh jeh ayr Neddy Be

Ta shin foast tannaghtyn lesh y recortys liorish Juan y Geill jeh meeryn ass Pargys Caillit ayns 'Traa dy Liooar'. Ayns 'Shiaght Laa' ta shin jeeaghyn er Laa Columb Killey as Gaelg Nane as Feed, er bun yn ockle as yn eie, Utopia, ta goll er ymmydey 'sy lhing shoh, as ta shin clashtyn arrane noa scruit ec Emily, Cristl as Ned jeh'n Vunscoill Ghaelgagh son Gaelg Nane as Feed, Gaelg Aboo! Ta jeih questionyn er-nyn-son y cheayrt shoh ayns 'Jamys Jeheiney', as ta Jamys Kinry ginsh dooin beggan mychione ny cooishyn neesht. Cha row lessoon ny skeeal ain 'sy Ghaelg ayns 'Goll as Gaccan' y cheayrt shoh, myr shoh ta shin goll er oai gys 'Claare ny Gael', as cooinaghtyn elley liorish Neddy Beg Hom Ruy. We still stick with the recording by Jack Gell of extracts from the Manx paraphrase of Paradise Lost in 'Traa dy Liooar'. In 'Shiaght Laa' we're looking at Laa Columb Killey and Gaelg 21, at the meaning of the word and the idea, Utopia, whic

Ayns 'Traa dy Liooar' ta shin clashtyn Juan y Geill choud's t'eh lhaih magh meer elley jeh Pargys Caillit, recortys va jeant echey 'sy vlein 1980. Ta Maralyn Crellin loayrt mychione yn Iomairt Colm Cille ayns 'Shiaght Laa', as yn traa v'eh lhunnit 'sy vlein 1997, as eisht mychione yn aght ta Ellan Vannin cheet dy ve cochianglt rish. T'ee loayrt neesht mychione Noo Carbory as yn skylley lesh yn ennym echey, agh cha nel yn ennym echey er keeill ny skylley. Ta nuy questionyn er-nyn-son ayns 'Jamys Jeheiney', as Jamys Kinry ad y chur dooin. Va keayrtagh goaill ayrn ayns 'Goll as Gaccan', as ta shin clashtyn Rob Teare lhaih magh fogrey mychione obbyr ny Cossackyn Sulby, eisht ta Phil Gawne lhaih magh skeeal liorish Caesar Cashin, as eisht screeuyn aitt va er clouit 'sy Chaghter Vona. Ta shin tannaghtyn rish clashtyn cooinaghtyn Neddy Beg Hom Ruy ayns 'Claare ny Gael', as eh ginsh dooin mychione yn traa echey er yn eeastagh skeddan as hake. In

Ayns 'Traa dy Liooar' ta shin clashtyn meer elley ass Pargys Caillit, 'sy recortys jeant ec Juan y Geill. She Fiona McArdle vees chebbal 'Shiaght Laa', as ta shin clashtyn mychione daa cheeill ayns Doolish nagh vel ry akin nish, as ad er nyn lhieggal paart dy vleeantyn er dy henney. Ta shin clashtyn neesht mychione Noo Colum Killey. Ta nuy questionyn er-nyn-son ayns 'Jamys Jeheiney', as Jamys Kinry cur ad shen ayns three boutyn, bentyn rish Gorillaghyn, rish ny Naightyn as rish Ratchyn Liauyrey. Ta Phil Gawne leeideil shin trooid kuse dy raaghyn ass Lessoonyn Toshee 'sy Ghailck liorish Edmund Goodwin ayns 'Goll as Gaccan', as eisht ta shin clashtyn drane va scruit dy ynsaghey sheeanyn ny Gaelgey da ny paitchyn ayns Mooinjer Veggey. Ta shin jeeaghyn er cooinaghtyn Neddy Beg Hom Ruy reesht ayns 'Claare ny Gael', cur kione er yn skeeal echey mychione traa myr aarleyder, as goaill toshiaght er skeeal mychione yn eeastagh tra haink eh dy ve ny shinney. In 'T

Ayns 'Shiaght Laa' ta shin clashtyn mychione Laare Ellynyn Phurt Chiarn, mychione y ghowaltys Abb Bell ayns Colby, mychione Colum Killey, as mychione yn skeeal cheu-chooylloo jeh'n arrane, Birlinn Ghorree Chrovan. Ta caghlaa 'syn aght ta Jamys Kinry reaghey ny questionyn er-nyn-son ayns 'Jamys Jeheiney', agh she quiz t'ain reesht, kiart dy liooar. Ta Phil Gawne jeeaghyn er paart beg jeh arrane liorish Neddy Beg Hom Ruy ayns 'Goll as Gaccan', roish my vees eh goll trooid raaghyn ayns lessoon ass Lessoonyn Toshee 'sy Ghailck, as eisht t'eh lhaih magh skeeal liorish Colin y Jerry va clouit ayns yn lioar Skeealaght. Ta tooilley mychione Neddy Beg ayns 'Claare ny Gael', as eisht bit beg liorish Neddy Beg, ass screeuyn as ass skeeal mychione ceau oie er baatey eeastee - ta shin clashtyn yn toshiaght jeh shen. In 'Shiaght Laa' we hear about the Erin Arts Centre, about Belle Abbey farm in Colby, about Colum Killey, and about the story behind the song, Bi

Ta shin clashtyn toshiaght y daan hene, Pargys Caillit, 'sy recortys va jeant ec Juan y Geill, as va ry chlashtyn ayns 'Traa dy Liooar'. Ta Maralyn Crellin chebbal 'Shiaght Laa', as ta shin clashtyn mychione Goaill Padjer ec ny Shenn Chialteenyn, mychione bea as obbyr y chloieder snag-chiaull, John Coltrane, as mychione y skeeal cochianglt rish arrane as va chyndaays jeant jeh 'sy Ghaelg liorish Doolish y Karagher. Ta daa whestion jeig er nyn son ayns 'Jamys Jeheiney', rheynnit er kiare ayrnyn jeh three questionyn y pheesh liorish Jamys Kinry. Son 'Goll as Gaccan', ta Phil Gawne stiurey shin trooid lessoon 42 jeh Lessoonyn Toshee 'sy Ghailck liorish Edmund Goodwin, roish my vees Phil as Annie Kissack goaill drane liorish Sharon Christian dy ynsaghey paitchyn yn sheean [k]. Ta shin cur kione er yn straih dy hyndaaysyn liorish Neddy Beg Hom Ruy jeh Skeealyn Aesop ayns 'Claare ny Gael', as ta shin clashtyn meeryn ass screeuyn Neddy Beg neesht.  We hea

Ayns 'Traa dy Liooar' ta Juan y Geill cur kione er Gys yn Lhaider, yn roie-raa roish Pargys Caillit, y paraphrase jeh Paradise Lost 'sy Ghaelg, scruit ec yn Arr Thomas y Christeen. Ta obbyr yn Olloo Avril Maddrell myr geo-oaylleeagh sheshoil as cultooroil goaill stiagh yn sym eck er y taghyrt bleinoil, Goaill Padjer ec ny Shenn Chialteenyn, jehsyn ta shin clashtyn ayns 'Shiaght Laa' Agh va paart dy voghtynys ayn neesht, as ta shin clashtyn my-e-chione, roish my vees goaill ayrn marish Doolish y Karagher ayns arrane. Ta shin goltaghey back 'Jamys Jeheiney' , as goaill soylley jeh daa whestion jeig currit ec James Harrison. Ta Phil Gawne as Annie Kissack goaill drane dy chur trimmid er yn sheean [g] ayns 'Goll as Gaccan'. Ta 'Claare ny Gael' cur lesh dooin straih elley dy skeealyn giarey chyndaait 'sy Ghaelg liorish Neddy Beg Hom Ruy. In 'Traa dy Liooar', Juan y Geill finishes Gys yn Lhaihder, the forward to Pargys Caillit, the paraphrase of Paradise

Ta shin goaill toshiaght lesh 'Traa dy Liooar', aynjee ta shin geaishtagh rish recortys jeant ec Juan y Geill - as lurg barney cho liauyr as v'ayn, ta shin goaill toshiaght reesht. Ayns 'Shiaght Laa' ta Fiona McArdle ginsh dooin mychione yn Fer Lhee John Clague as mychione yn lioar, Cooinaghtyn Manninagh, as assjee ta shin clashtyn Juan y Geill, Robard y Carsalagh as Jamys Kinry loayrt mychione Shenn Oie Voaldyn as Shenn Laa Boaldyn. Ta lessoon ain ayns 'Goll as Gaccan' mychione yn aght dy loayrt mychione yn traa ry heet, chammah's fockle ny ghaa er-nyn-son, choud's ta Phil Gawne jeeaghyn reesht er Lessoonyn Toshee 'sy Ghailck liorish Edmund Goodwin. Ta straih dy skeealyn giarey ain ayns 'Claare ny Gael' ass Skeealyn Aesop, chyndaait 'sy Ghaelg ec Neddy Beg Hom Ruy, Edard Fargher, Cregneash, as clouit 'sy vlein 1901. We begin with 'Traa dy Liooar', in which we listen to a recording made by Jack Gell - and after such a long gap, we begin again